Jak palepšyć načny son niemaŭlaci? Dapamoža baćka

Navukova dakazana, što niemaŭlaty majuć nadzvyčaj vostry niuch. Jašče va ŭłońni dzicia zvykaje da bijałahičnych pachaŭ maci praz kalapłodnyja vody. Paśla naradžeńnia hetaja suviaź uzmacniajecca: vodar matčynaha cieła i małaka stanovicca dla niemaŭlaci hałoŭnym aryjenciram. Adnak mienavita hetaja pryciahalnaść, jak zaŭvažaje Tagesspiegel, moža stać pryčynaj častych načnych abudžeńniaŭ.

Bijałahičny miechanizm hetaha pracesu tłumačycca pracaj receptaraŭ dziciaci. Na kalasoskavych areołach raźmieščany załozy Manthomiery, jakija vyłučajuć śpiecyjalny sakret. Navukovyja daśledavańni paćviardžajuć, što hety pach vałodaje stymulujučym uździejańniem i vabić dzicia da hrudziej.

Kali niemaŭla ź jaho čujnym snom pračynajecca ŭnačy i adčuvaje blizkaść maci, jaho mozh atrymlivaje sihnał ab dastupnaści ježy. Heta pravakuje apietyt navat u tyja momanty, kali dzicia fizijałahična nie adčuvaje hoładu. I pakul jany jašče nie mohuć samastojna padpaŭźci da krynicy spakusy, im zastajecca tolki adno: kryčać. 

U takoj situacyi važnuju rolu moža adyhrać baćka. Praz karotki čas paśla naradžeńnia dzicia pačynaje hetak ža dobra paznavać pach baćki (abo inšaha čałavieka, jaki stała kłapocicca pra jaho). Hety vodar taksama asacyjujecca ŭ niemaŭlaci ź biaśpiekaj i spakojem, ale, u adroźnieńnie ad matčynaha, jon nie źviazany z pracesam karmleńnia.

Dla aptymizacyi načnoha adpačynku śpiecyjalisty rekamiendujuć nie izalavać maleču ŭ inšym pakoi, bo blizkaść baćkoŭ nieabchodnaja jamu dla pačućcia abaronienaści. Efiektyŭnym rašeńniem moža stać raźmiaščeńnie niemaŭlaci ŭ łožku z boku baćki.

Pavialičyć

Kali dzicia pračynajecca nie ad hoładu, a prosta dla pravierki prysutnaści darosłych, adčuvańnie baćkoŭskaha pachu dapamahaje jamu chutčej supakoicca i zasnuć paŭtorna, nie adciahvajučysia na charčovyja refleksy. Viadoma, časam tatu daviadziecca prykłaści bolš namahańniaŭ: naprykład, panasić maleču na rukach pa kvatery.

Adkul mužčynu viedać, što dzicia sapraŭdy para karmić? Vopytnyja baćki śćviardžajuć: vy chutka navučyciesia razumieć movu dziciačaha płaču, i kali heta budzie sihnał sapraŭdnaha hoładu, spravicca ź situacyjaj zmoža tolki maci. Adnak u astatnich vypadkach baćkoŭskaja dapamoha dazvalaje źmienšyć kolkaść načnych karmleńniaŭ, jakija nie abumoŭlenyja fizijałahičnaj patrebaj, što spryjaje farmavańniu bolš stabilnaha režymu snu ŭsioj siamji.

• 10
• 0
• 0
• 1
• 0
• 0
• 0
• 0