Беларуская дальнабойшчыца мірна стаяла ў заторы ў Германіі, калі пад яе машыну з размаху рэзнуўся легкавік
32‑гадовага немца выцягнулі ўжо мёртвым. Беларуска не пацярпела.
22 верасня каля 17:15 на аўтабане A1 у Ніжняй Саксоніі (Германія) адбылася смяротная аварыя. Удзельнікам яе стала фура, якой кіравала 46‑гадовая жанчына з Беларусі. Пра гэта паведаміла паліцыя.
Здарэнне адбылося на ўчастку ў бок Гамбурга непадалёк ад Брэмена. Там з-за дарожных работ утварыўся затор. Фура беларускі стаяла ў яго канцы.
32‑гадовы жыхар раёна Фердэн ехаў на легкавіку па правай паласе. Паводле паліцыі, ён позна заўважыў канец затора і без тармажэння ўрэзаўся ў фуру.
Легкавік заціснула пад паўпрычэпам. Каля 30 ратавальнікаў вызвалялі кіроўцу з машыны. Аднак доктар, які прыехаў на месца, канстатаваў яго смерць.
Беларуская дальнабойшчыца і яе 42‑гадовы напарнік не атрымалі траўмаў.
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5757
Каментары