Цэны на нафту ўпалі на фоне навін пра аднаўленне перамоў паміж ЗША і Іранам
29 верасня, сусветныя цэны на нафту прыкметна зменшыліся. Да канца дня ф'ючарсы на нафту маркі Brent з пастаўкай у снежні каштавалі каля 96,5 даляра за бараль. У пэўны момант кошт Brent апускаўся ніжэй за 96 даляраў — упершыню з 7 верасня, піша Office Life.
За суткі Brent патаннела прыкладна на 1,5%. А з 26 верасня яе кошт знізіўся больш чым на 8 даляраў — з узроўню вышэй за 104 даляры за бараль.
Амерыканская нафта WTI да канца дня каштавала крыху больш за 91 даляр за бараль, што прыкладна на 4,5 даляра менш, чым суткамі раней. Мінімальны кошт на працягу дня складаў каля 90,4 даляра.
Паводле меркавання экспертаў, зніжэнне цэн звязана з новымі паведамленнямі пра магчымасць перамоў паміж ЗША і Іранам. Іран заявіў пра гатоўнасць прыпыніць узбагачэнне ўрану ў выпадку дасягнення дамоўленасцяў з Вашынгтонам. Акрамя таго, прэзідэнт ЗША Дональд Трамп дапусціў магчымасць частковага зняцця санкцый з Тэгерана, калі перамовы будуць паспяховымі.
На цэны таксама паўплывала аднаўленне працы нафтаправода «Усход — Захад» у Саудаўскай Аравіі. Ён пракладзены ў абыход Армузскага праліва і нядаўна пацярпеў у выніку ўдараў беспілотнікаў.
The Atlantic: Трамп падтрымаў ідэю змякчэння санкцый супраць Расіі ў абмен на вызваленне палітвязняў
Трамп заявіў, што папрасіў Зяленскага зменшыць атакі на НПЗ у Расіі
Саудаўская Аравія пакінула еўрапейскія НПЗ без нафты на месяц
Цэны на нафту і газ зноў на піку: як канфлікт на Блізкім Усходзе гуляе на руку Маскве і што ад гэтага Беларусі
Еменскія хусіты захапілі стратэгічныя астравы Баб-эль-Мандэбскага праліва. Адзін з найбуйнейшых гандлёвых шляхоў фактычна апынуўся пад кантролем баевікоў
Саудаўская Аравія прыпыніла працу нафтаправода «Усход — Захад» пасля атакі дронаў з тэрыторыі Ірака. Па ім ідзе 5% сусветнай нафты
Цяпер чытаюць
«Стрэльба калі і стрэліць, то наўрад ці кулямётнай чаргой». Максім Знак ацаніў рэальнасць пагроз беларускай прапаганды пазбавіць грамадзянства палітэмігрантаў1010
Каментары