У Свіслацкім раёне будуць судзіць трох чалавек, якія дапамагалі нелегальным мігрантам
Адзін з махляроў быў у форме памежніка.
Пракуратура Свіслацкага раёна накіравала ў суд крымінальную справу ў дачыненні да трох асоб, якім інкрымінаваныя махлярства, здзейсненае групай асоб, самавольнае прысваенне ўлады службовай асобы, арганізацыя незаконнай міграцыі.
Адзін з абвінавачаных даставіў мігрантаў на аўтамабілі ў загадзя абумоўленае месца ў Свіслацкім раёне. Там іх чакаў другі саўдзельнік, пераапрануты ў форму вайскоўца органаў памежнай службы, піша БелТА
Пад падставай правядзення асабістага ператрусу ілжэпамежнік запатрабаваў ад замежных грамадзян выйсці з транспартнага сродку, перакласці рэчы і зберажэнні ў машыну змоўшчыка. Завалодаўшы грашыма і маёмасцю мігрантаў на 1500 рублёў, змоўшчыкі з'ехалі.
Акрамя таго, у чэрвені 2025 года адзін з абвінавачаных сумесна са сваёй 24‑гадовай знаёмай аказаў садзейнічанне пяці замежным грамадзянам у спробе незаконнага перасячэння мяжы. За перавозку замежнікаў з Маладзечна ў Свіслацкі раён яны атрымалі 350 даляраў. Каб палегчыць мігрантам праход праз загароды, абвінавачаны набыў і перадаў ім рыдлёўку і два балтарэзы.
Нягледзячы на аказаную дапамогу, нелегальныя мігранты былі затрыманыя супрацоўнікамі памежнай службы пры спробе перасячэння мяжы. Сілавікі ўстанавілі дачыненне арганізатараў да здзяйснення злачынства.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй26
Каментары