Грамадства77

Дальнабоя з Баранавічаў, цёзку па прозвішчы нямецкай канцлеркі, асудзілі за «падрыхтоўку да арганізацыі масавых беспарадкаў»

33‑гадовы Арцём Меркель ездзіў на фурах у Кітай і Манголію, але рэйсы абарваліся крымінальнай справай.

Арцём Меркель. Фота з ягонай старонкі ў Аднакласніках

Арцём Меркель нарадзіўся ў 1993 годзе. Ён з Баранавічаў.

Хлопец пачынаў у будаўнічай сферы: атрымаў сярэднюю спецыяльную адукацыю, працаваў мантажнікам вентыляваных фасадаў і займаўся апрацоўкай мармуру ды граніту. Аднак з часам беларус звязаў сваё жыццё з аўтамабільнымі грузаперавозкамі.

Пасля Меркель уладкаваўся кіроўцам-міжнароднікам у Расіі. Арцём выконваў працяглыя рэйсы па складаных усходніх маршрутах: ён рэгулярна вазіў тавары праз расійскія пункты пропуску ў Казахстан, Манголію і Кітай.

Затрымалі хлопца ў гэтым годзе. Суд Маскоўскага раёна Брэста асудзіў Арцёма Меркеля паводле часткі 1 артыкула 13 і часткі 1 артыкула 293 Крымінальнага кодэкса — падрыхтоўка да арганізацыі масавых беспарадкаў. 

Яму пагражала ад пяці да пятнаццаці гадоў калоніі. Як і пра большасць палітычных спраў, аб судзе над кіроўцам Меркелем і дакладным прысудзе нічога не вядома.

UPD. Пасля публікацыі матэрыялу мы атрымалі інфармацыю ад чытача, што Арцёма Меркелю прысудзілі сем гадоў узмоцненага рэжыму. Мы не можам праверыць гэтую інфармацыю.

Масавыя палітычныя рэпрэсіі ў краіне пачаліся пасля 2020 года. Тады Аляксандр Лукашэнка прайграў Святлане Ціханоўскай, але не аддаў ёй улады, а змусіў яе выехаць за мяжу. Адбыліся масавыя народныя пратэсты супраць дыктатуры і фальсіфікацыі выбараў. На гэта ўлады адказалі рэпрэсіямі.

Паводле падлікаў аб'яднання сілавікоў «Белпол» і праваабаронцаў, вядомыя імёны як мінімум 10050 чалавек, якія падпалі пад палітычна матываваныя крымінальныя справы. Усяго тыя ці іншыя палітычныя рэпрэсіі (крыміналкі, адміністратыўкі, звальненні, ператрусы, вымушаная эміграцыя) закранулі сотні тысяч беларусаў. 

«Экстрэмізмам» улады Беларусі лічаць патрабаванне правесці свабодныя выбары з празрыстым падлікам галасоў, а таксама практычна ўсялякую крытыку ўладаў, прарасійскіх гістарычных наратываў, праявы салідарнасці з Украінай, антываенныя выступы. 

«Наша Нiва» — бастыён беларушчыны

ПАДТРЫМАЦЬ

Каментары7

  • Ёсік
    20.09.2026
    Растлумачце, аб якіх 5 гадах ішла размова, апасьля якіх нельга ўжо чалавека прыцягнуць да адказнасьці? Ці сіпаты ўсе падзеі 2020 аб'явіў не маючымі тэрмінаў даўніны, як за забойствы?
  • Не да законаў
    20.09.2026
    Але самае страшнае не гэта. Самае страшнае што сіпаты ўперадзі планеты, дакладней пляшывы, але яны ў адной камандзе. Вось гэта самае страшнае, што гэта распаўзаецца па ўсяму свету. Тое, што было немагчыма сабе ўявіць яшчэ 5 гадоў таму сённі норма. А што ж будзе заўтра?
  • bosed
    20.09.2026
    [Рэд. выдалена]

Цяпер чытаюць

«Спыталі, я жывая ці не». Беларускі б’юць трывогу: ім тэлефануюць з міліцыі і распытваюць пра труп2

«Спыталі, я жывая ці не». Беларускі б’юць трывогу: ім тэлефануюць з міліцыі і распытваюць пра труп

Усе навіны →
Усе навіны

Пад Мінскам прадаюць рэзідэнцыю з пляжам з марскім пяском і басейнам, які зімой ператвараюць у каток. Колькі просяць?3

Музыку Сяргея Доўгушава абвясцілі ў міждзяржаўны вышук1

Беларус распрацаваў план метро для Гомеля. 17 станцый і дзве лініі4

У Гродне пачалі лячыць варыкоз без разрэзаў і швоў

Беларускі правайдар выдаліў свой канал пасля публікацыі «Флагштока»4

У мінскай краме заўважылі розныя цэны на адны і тыя ж тавары1

Вайсковец адчытаў кіраўніка Пентагона Піта Хегсета за смех каля Магілы Невядомага салдата. Хегсет узнагародзіў яго ВІДЭА10

«Позву ў суд атрымала ў раддоме». Наста Дашкевіч пра роды падчас следства, суд з месячным дзіцем і каханне на адлегласці5

У Докшыцкім РАУСе загінуў чалавек6

больш чытаных навін
больш лайканых навін

«Спыталі, я жывая ці не». Беларускі б’юць трывогу: ім тэлефануюць з міліцыі і распытваюць пра труп2

«Спыталі, я жывая ці не». Беларускі б’юць трывогу: ім тэлефануюць з міліцыі і распытваюць пра труп

Галоўнае
Усе навіны →

Заўвага:

 

 

 

 

Закрыць Паведаміць