Uitkaf i Kušnier dałažyli Trampu pra «praduktyŭnuju» sustreču z Pucinym
Śpiecpradstaŭnik ZŠA Styŭ Uitkaf i ziać prezidenta ZŠA Donalda Trampa Džared Kušnier dałažyli Donaldu Trampu pra svaju sustreču z Uładzimiram Pucinym, jakaja prajšła 2 śniežnia ŭ Maskvie.
Jak paviedamlaje Reuters, nienazvany pradstaŭnik Biełaha doma skazaŭ, što sustreča pamiž bakami prajšła źmiastoŭna i plonna.
«ZŠA i Rasija ŭdzielničali ŭ starannaj, praduktyŭnaj sustrečy. Śpiecyjalny pasłańnik Uitkaf i spadar Kušnier dałažyli prezidentu i ŭkrainskamu boku paśla sustrečy», — raskazaŭ jon vydańniu.
Detalaŭ, što mienavita Uitkaf i Kušnier dakładvali Trampu i ŭkrainskamu boku, raskryta nie było.
U toj ža čas ministr zamiežnych spraŭ Ukrainy Andrej Sibiha paćvierdziŭ, što paśla pieramoŭ u Maskvie ŭkrainski pradstaŭnik, sakratar Rady nacyjanalnaj biaśpieki i abarony Rustem Umieraŭ mieŭ telefonnuju razmovu sa Styvam Uitkafam. Ministr, adnak, adznačyŭ, što praz telefon składana abmiarkoŭvać detali, bo heta vielmi adčuvalny praces.
Uvohule ž pradstaŭniki amierykanskaj delehacyi adznačyli, što razmovy ŭ Maskvie mieli stanoŭčaje značeńnie dla mirnaha pracesu. Akramia taho, ZŠA zaprasili ŭkrainskuju delehacyju praciahnuć pieramovy ŭ Amierycy.
Napiaredadni Uitkaf i Kušnier naviedali Maskvu, dzie abmiarkoŭvali z Pucinym mahčymaści dasiahnieńnia miru pamiž Ukrainaj i Rasijaj. Akramia asnoŭnaha amierykanskaha płana, rasijskamu boku pieradali jašče niejkija čatyry dadatkovyja dakumienty.
Paśla pieramoŭ u Kramli zajavili, što kampramisaŭ pakul niama, ale jość patencyjał praciahvać dyjałoh. Pavodle słoŭ pamočnika Pucina Juryja Ušakova, abmiarkoŭvalisia niekalki mahčymych schiem urehulavańnia vajennaha kanfliktu.
Jak pa-roznamu vyhladaŭ Styŭ Uitkaf na sustrečach z Pucinym i z ukraincami
Piaskoŭ: Pucin nie adchilaŭ mirnaha płana ZŠA
Sustreča Zialenskaha z Uitkafam u Brusieli skasavanaja
Pierad sustrečaj z Uitkafam i Kušnieram Pucin zajaviŭ, što hatovy da vajny ź Jeŭropaj
«Zarablajcie, a nie vajujcie». Tramp i Uitkaf vierać, što Pucin moža pajści na mir dziela prybytkaŭ. Abo sami marać ab zysku
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Tramp (sonno) - Nu-s, pohovorili-s?
Vitkoff (stukaja kabłukami) - Tak, točno, Va-šie-Prievo-schodi-tiel-stvo!
Tramp (tieriaja tierpienija) - Čieho ty tianieš, durak, rasskazyvaj!
Vitkoff (vytianuvšiś kak struna) - Produktivno pohovorili, Va-šie-Prievo-schodi-tiel-stvo!
Tramp (kraśnieja) - O čiom hovorili produktivno, durak?
Vitkoff (čiekania každoje słovo) - O pieriehovorach hovorili produktivno, Va-šie-Prievo-schodi-tiel-stvo!
Tramp (stiervienieja) - A nu, pšoł von, durak!
Hdie-to za dvieŕju hromko chichikajet Kušnier.
Vitkoff (stanoviaś na noski) - Rad staraťsia, Va-šie-Prievo-schodi-tiel-stvo!
Vitkoff po strojevomu razvoračivajetsia i čiekania šah vychodit iz kabinieta.
Tramp (ostyvaja) - Posłał durnoho - posyłaj druhoho.
Źvienit v kołokolčik, vchodit DJ Vens.
Zanavies.