Іконы, талон у паліклініку і нават лаваш. Што беларусы засоўваюць у банкаматы
Прыёрбанк паказаў калекцыю незвычайных рэчаў, якія яго спецыялісты даставалі з банкаматаў.
Сярод знаходак аказаліся чэкі і фанцікі, невялікая ікона, талон да неўролага і нават кавалак лаваша. Мяркуючы па апублікаваным фота, інжынерам трапляліся і больш звыклыя дробязі — манеты, гумкі і сашчэпкі.
Як расказала спецыялістка банка, менавіта апошнія тры катэгорыі часцей за ўсё аказваюцца ўнутры прылад.
У Прыёрбанку мяркуюць, што адбываецца гэта хутчэй выпадкова, а не наўмысна: напрыклад, старонні прадмет можа трапіць у банкамат разам з пачкам купюр, якія кладзе чалавек.
Для самой прылады такая дробязь можа стаць праблемай. Старонні прадмет здольны спыніць працу рэсайклера, і карыстацца ім будзе нельга да прыезду спецыяліста.
У банку нагадваюць пра гэта на выпадак, калі камусьці ў гэты момант тэрмінова спатрэбіцца зняць наяўныя або папоўніць картку.
Той самы масажыст расказаў, навошта здымаў голых кліентак2
Каментары