Асуджаная на 6 гадоў калоніі Сафія Сапега, пра якую сёння Лукашэнка сказаў, што не супраць, каб дзяўчыну перадалі для адбыцця тэрміну ў Расію, грамадзянкай якой яна з'яўляецца, дала праз адваката кароткае інтэрв'ю выданню з расійскага Яраслаўля.
— Чаму вы зацікавіліся палітыкай?
— Я жыла ў Рэспубліцы Беларусь з пяці гадоў. Гэта мой другі дом, і так было да майго затрымання. Я лічу нармальным цікавіцца палітычным становішчам у краіне, якая табе родная. І рабіць гэта нават неабходна.
— Вы сапраўды вялі Telegram-канал «Чорная кніга Беларусі»?
— З нагоды віны… я ўнутрана лічу, што так было правільна.
— Звязваўся з вамі Раман Пратасевіч пасля арышту?
— Пратасевіч са мной не звязваўся. Для мяне ён больш не існуе. І мой самы правільны адказ на ўсе пытанні пра Пратасевіча, што мне такі чалавек незнаёмы.
— Вы хочаце вярнуцца ў Расію?
— Я вельмі хачу вярнуцца да сваёй сям'і. Дзе гэта будзе, мне няважна. Мае мама і тата зрабілі для мяне ўсё і нават больш. Яны мой дом.
— Вы атрымліваеце лісты?
— Я атрымала тры лісты ад бацькоў і больш нічога. Вельмі перажываю, што не змагу атрымліваць ад іх вестачкі. У астатнім, умовы прымальныя.
— Што вы хочаце сказаць расіянам, якія вас падтрымліваюць?
— Дзякуй усім, хто перажываў і падтрымліваў маю сям'ю. І вялізная падзяка пасольству Расійскай Федэрацыі за падтрымку.
Чытайце таксама:
«Шкада дзяўчынку». Лукашэнка лічыць магчымым перадаць Сафію Сапегу ў Расію
«Для нас Пратасевіча не існуе». Айчым — пра двухгадзіннае спатканне з Сафіяй Сапега пасля прысуду
Сапега далі максімальны тэрмін з улікам супрацоўніцтва са следствам?
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары