Расійскія войскі раніцай 8 кастрычніка нанеслі ўдар па Краматорску. У эпіцэнтры апынуліся два рэйсавыя аўтобусы, якія ў гэты момант перавозілі пасажыраў. Паводле апошніх звестак, загінулі 12 чалавек, яшчэ 14 былі параненыя.
Удар быў нанесены каля 10:00. Паводле папярэдніх звестак пракуратуры Данецкай вобласці, расійскія войскі, імаверна, выкарысталі авіяцыйныя бомбы УМПБ Д-30СН. Распачата расследаванне паводле артыкула аб ваенным злачынстве.
Кіраўнік Краматорскай гарадской ваеннай адміністрацыі Аляксандр Ганчарэнка паведаміў, што ў момант атакі ў рэйсавым аўтобусе знаходзіліся пасажыры.
«Расіяне ў чарговы раз ударылі туды, дзе дакладна няма ніякай ваеннай цэлі. Па рэйсавым аўтобусе. Па грамадзянскім транспарце. Па людзях, якія проста ехалі па сваіх справах», — напісаў Ганчарэнка.
Кіраўнік Данецкай абласной ваеннай адміністрацыі Вадзім Філашкін назваў загінулых не «сухой статыстыкай», а людзьмі, якіх забіла расійская армія. Ён заклікаў жыхароў, якія застаюцца ў Данецкай вобласці, эвакуявацца ў больш бяспечныя рэгіёны Украіны.
Цяпер чытаюць
Здзелка Трампа з Пуціным: чым за яе могуць заплаціць Украіна і Беларусь3
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары