Гомельскі ўніверсітэт паказаў фота з меркаванага сакрэтнага вайсковага гарадка
Адміністрацыя Беларускага дзяржаўнага ўніверсітэта транспарту апублікавала на сваіх рэсурсах фота, на якім «Флагшток» пазнаў сакрэтны аб'ект, які цяпер будуюць у Гомельскім раёне.
Ідэолагі хацелі паказаць, як выкарыстоўваецца неаплатная праца студэнтак-«актывістак» БелДУТа. Яны распісвалі інтэр'еры для ААТ «Гомельскі домабудаўнічы камбінат». Прычым будоўлю назвалі проста «аб'ектам».
Як раней высветліў «Флагшток», у дакументах дзяржаўных закупак «аб'ектам» часцей за ўсё называюць будаўніцтва вайсковага гарадка ў Гомельскім раёне каля вёскі Прыбар, заказчыкам па ім нярэдка выступае той жа домабудаўнічы камбінат.
На фатаграфіях паказаныя вынікі працы студэнтак — роспіс сцен. На адным са здымкаў ёсць шырокае акно з характэрным краявідам: жалезабетонныя каркасы на фоне сасновага лесу.
У Гомельскай вобласці не так шмат будоўляў, якія паводле вонкавага выгляду нагадваюць будаўніцтва вайсковага гарадка Сіл спецыяльных аперацый Беларусі.
Найбольш імаверна, здымак быў зроблены ў будынку сацыяльна-культурна-бытавога прызначэння вайсковага гарадка — на спадарожнікавым здымку ён пад жоўтым дахам.
Фота сведчыць пра высокую ступень гатоўнасці ключавых будынкаў вайсковага гарадка, а таксама пра тое, што маштабнае будаўніцтва працягваецца.
-
Больш за 60 чалавек затрыманыя пасля канцэрта Макса Каржа ў Франкфурце-на-Майне. Са сцэны спявак заклікаў спыніць вайну ва Украіне
-
Рыжанкоў спадзяецца на пацяпленне адносін з Польшчай
-
Протаіерэй Андрэй Лемяшонак паскардзіўся на праверкі. І назваў паездкі манашак Свята-Елісавецінскага манастыра па Еўропе «гераічнымі»
Каментары
[Зрэдагавана]