Выйшла па-беларуску кніга пра Тадэвуша Кандрусевіча. У загаловак вынесены словы яго маці
Кніга мае назву «Марыя, рабі з ім, што пажадаеш…» Жыццё і служэнне арцыбіскупа Тадэвуша Кандрусевіча ад нараджэння да першых гадоў біскупства».
Такая кніга на польскай мове аўтарства сястры Марцэліны Мігач выходзіла ў выдавецтве Pro Christo ў 2024 годзе. Верагодна, да 80‑годдзя заслужанага іерарха кнігу пераклалі на беларускую мову, піша katolik.life.
У назву вынесена фраза з малітвы маці Тадэвуша Кандрусевіча. Ён распавядаў, што калі быў яшчэ немаўлём, то моцна захварэў і разам з мамай ляжаў у шпіталі ля касцёла Маці Божай Анёльскай у Гродне:
«Тады мама прынесла мяне ў касцёл, паклала на алтары Божай Маці і сказала: «Марыя, рабі з ім, што хочаш». Як аказалася потым, Марыя зрабіла…»
Маці даверыла апеку над сынам Марыі, бо лекары нiчога не маглі зрабіць, каб вылечыць дзіця. І ў хуткім часе ён ачуняў. Таксама арцыбіскуп упэўнены, што менавіта дзякуючы заступніцтву Маці Божай ён адчуў пакліканне да святарства, а рашэнне пайсці ў семінарыю прыняў у Вострай Браме ў Вільні.
Дарэчы, калі Тадэвуш Кандрусевіч стаў святаром, некаторы час ён быў пробашчам менавіта ў парафіі Маці Божай Анёльскай у Гродне.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары