Зняволены кіраўнік ZROBIM architects прадае чарговую маёмасць — участак пад турыстычны комплекс на Вілейцы
У сацсетках сузаснавальніка вядомага архітэктурнага бюро ZROBIM architects Андрэя Макоўскага (вядомага як Андрусь Bezdar), які знаходзіцца ў СІЗА, з’явілася новая аб’ява. Гэтым разам да продажу прапануецца надзел пад турыстычны комплекс на беразе Вілейкі.
Згодна з допісам у акаўнце, які вядзе яго жонка Алена, гаворка ідзе пра перспектыўную пляцоўку для развіцця турызму: «Сябры, прадаю ўчастак пад Nomad House на Вілейцы! Вельмі прыгожае месца на беразе ракі. Я бачу ў гэтай зямлі велізарны патэнцыял і буду рады, калі там пабудуецца значны для Беларусі турыстычны аб’ект».
Зацікаўленым прапануюць пісаць у дырэкт.
Гэта ўжо не першы буйны аб’ект, які Андрэй Макоўскі вымушаны выставіць на продаж пасля свайго арышту.
У чэрвені 2026 года ў ягоных сацсетках з’явілася аб’ява аб продажы недабудаванай вілы на тайландскім востраве Пхукет у элітным комплексе Botanica Pru Jampa.
Пераслед кіраўніцтва і супрацоўнікаў ZROBIM architects пачаўся ў красавіку 2026 года. Тады сілавікі затрымалі каля 50 чалавек, а само папулярнае архітэктурнае бюро абвінавацілі ў атрыманні «няўлічанага прыбытку» на суму 6 мільёнаў даляраў і выплаце заробкаў у канвертах. Агульную шкоду бюджэту ацанілі больш як на 5 мільёнаў рублёў.
Сам Андрэй Макоўскі застаўся пад вартай. Пазней у яго акаўнце з’явіўся паведамленне «Прывітанне з СІЗА! Плаціце падаткі цалкам, рабяты».
Сацсеткі ад яго імя працягвае весці, як выглядае, жонка Алена. Кампанія ZROBIM architects пры гэтым пакуль працягвае сваю працу.
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі15
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары