Цела забітай у Ізраілі 31‑гадовай Яніны пахавалі ў Беларусі. Яе маці спрабуе забраць маленькага ўнука
Ганна Русінава дамаглася, каб цела яе дачкі прывезлі з Ізраіля для пахавання ў Беларусі. Цяпер яна хоча забраць унука, які пасля гібелі маці апынуўся ў часовай прыёмнай сям’і.
31‑гадовая гамяльчанка Яніна Русінава загінула ў Хайфе ў ноч на 25 верасня. Яе знайшлі з цяжкім нажавым раненнем і даставілі ў бальніцу, дзе выратаваць жанчыну не ўдалося. У Яніны застаўся сын, якому на той момант было каля двух месяцаў. Ейнага 28‑гадовага мужа Алі Масваду затрымалі па падазрэнні ў забойстве. Ён адмаўляе віну.
8 кастрычніка цела Яніны адправілі самалётам у Беларусь. Маці Яніны Ганна Русінава прасіла пахаваць дачку побач з магілай яе яўрэйскай бабулі.
Ізраільская арганізацыя дапамагла з фінансаваннем пералёту.
Пытанне пра будучыню сына Яніны застаецца адкрытым. Хлопчык, якому цяпер каля трох месяцаў, знаходзіцца ў часовай прыёмнай сям’і ў Ізраілі пад наглядам сацыяльных службаў. Ганна хоча забраць яго ў Беларусь і выхоўваць сама.
Паводле актывісткі Лілі Бэн-Амі, адсутнасць у бабулі ізраільскага грамадзянства ўскладняе працэс.
Ганна таксама хоча даць паказанні і расказаць следчым пра адносіны дачкі з мужам. Раней яна паведамляла, што пасля нараджэння дзіцяці Алі раўнаваў Яніну, правяраў яе тэлефон і сам тэлефанаваў цешчы ў Гомель з абразлівымі выказваннямі пра жонку.
Яніна казала маці, што хоча з ім разысціся. Яна разглядала магчымасць на некаторы час з’ехаць да маці ў Беларусь, але не мела грошай на пералёт.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2828
Каментары