«Тэфлонавы Марк», які здолеў пасябраваць з Орбанам і Трампам. У НАТА ад сёння новы кіраўнік
Былы прэм'ер-міністр Нідэрландаў Марк Рутэ з 1 кастрычніка ўступіў на пасаду генеральнага сакратара НАТА. Енс Столтэнберг пакідае пасаду.
Рутэ — 57 гадоў, ён нарадзіўся на Дзень святога Валянціна ў сям'і дырэктара адной з буйных нідэрландскіх гандлёвых кампаній і скончыў гістарычны факультэт.
У 2002-2004 гадах быў намеснікам міністра працы і сацыяльнай абароны, затым да 2006 года.
Займаў пасаду прэм'ера Нідэрландаў амаль 14 гадоў, паставіўшы рэкорд знаходжання на гэтай пасадзе ў краіне.
У 2014 годзе Рутэ падтрымаў увядзенне санкцый супраць РФ і пасля заяўляў пра неабходнасць іх падаўжэння і ўзмацнення строгасці.
Сярод іншага Рутэ змог заваяваць прыхільнасць прэм'ер-міністра Венгрыі Віктара Орбана.
Марку прыйшлося паабяцаць Віктару, што Венгрыі ніколі не прыйдзецца ўдзельнічаць у мерапрыемствах па падтрымцы Украіны за межамі тэрыторыі НАТА, пакуль Рутэ ўзначальвае альянс. Орбан, які падтрымлівае сяброўскія стасункі з Расіяй, таксама выключыў магчымасць паставак зброі ва Украіну.
Вядомая здольнасць Рутэ супрацьстаяць палітычным нягодам прынесла яму мянушку «Тэфлонавы Марк», якая можа спатрэбіцца, калі Дональд Трамп вернецца ў Белы дом і зноў пачне свае атакі на НАТА, піша Deutsche Welle.
У Рутэ і Трампа склаліся дзіўна пазітыўныя адносіны падчас першага тэрміну знаходжання Трампа на пасадзе прэзідэнта ЗША, прычым Трамп нават назваў Рутэ «сябрам». Аднак Рутэ, як лідар традыцыйна гандлёвай краіны, строга выступаў супраць пратэкцыянісцкай эканамічнай палітыкі Трампа.
Таксама Рутэ падтрымлівае ўзбраенне Украіны. Ён курыраваў актыўныя пастаўкі зброі Кіеву, уключаючы галандскія гаўбіцы і самалёты F-16.
Экс-прэм'ера Нідэрландаў называюць майстрам кампрамісу.
У яго ёсць досвед кіравання ўрадавымі кааліцыямі ў Нідэрландах, але цяпер яму трэба будзе прывесці 32 партыі да кансенсусу, неабходнага для прыняцця ўсіх рашэнняў НАТА.
Былы прэс-сакратар NATO Аана Лунгеску, якая даўжэй за ўсіх займала гэтую пасаду, мяркуе, што гэта будзе самай складанай задачай для Рутэ.
«Генеральны сакратар НАТА павінен быць не толькі сакратаром, але і генералам, зразумела, у палітычным сэнсе», — сказала яна DW.
«Ён павінен прадэманстраваць палітычнае лідэрства, неабходнае для прасоўвання альянсу, таму што дасягненне кансенсусу можа заняць час. Гэта можа быць брудна, гэта можа быць расчаравальна, але важна паказаць палітычны кірунак і прадэманстраваць прагрэс». Яна падкрэслівае, што шматгадовы вопыт Рутэ па ўтрыманні раздробненых галандскіх кааліцыйных урадаў саслужыць яму добрую службу ў будучыні.
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне3
Каментары
Пра гэта не хапае ў артыкуле, а справа была гучная не толькі ў Нідэрландах.