Па здабычы нафты ў Расіі «Беларуснафта» сёлета дагоніць беларускія аб'ёмы
Як паведаміў кіраўнік «Беларуснафты» Аляксандр Ляхаў, чакаецца, што ў 2024 годзе аб'ёмы здабычы прадпрыемствам нафты ў Расіі зраўняюцца з беларускімі.
«Сёлета ўзровень здабычы нафты і газу ў гэтым праекце ўжо будзе супастаўны з узроўнем здабычы на беларускіх радовішчах. Гэта таксама каля 2 мільёнаў тон нафтавага эквіваленту», — сказаў Ляхаў.
У сувязі з гэтым беларускія нафтавікі маюць намер пашыраць сваю прысутнасць на рынку нафтасэрвісу ў Расіі.
«Расія на сёння — адна з найбуйнейшых краін свету па здабычы нафты і газу, і, натуральна, там маюцца буйныя вертыкальныя інтэграваныя кампаніі, такія як група «Газпрам», «Раснафта» і іншыя, і мы з імі актыўна працуем з пункту гледжання прасоўвання на іх рынак нашых тэхналогій і кааперацыі па распрацоўцы цяжказдабывальных запасаў», — сказаў гендырэктар «Беларуснафты».
Акрамя таго, ён сцвярджае, што кампетэнцыі беларускіх нафтавікоў запатрабаваныя і на іншых кантынентах, у прыватнасці ў Лацінскай Амерыцы і ў Афрыцы.
Цяпер чытаюць
62-гадовую намесніцу дырэктара мінскай гімназіі адправілі ў калонію за палітыку2
62-гадовую намесніцу дырэктара мінскай гімназіі адправілі ў калонію за палітыку
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары