Навука і тэхналогіі22

Генныя інжынеры ствараюць кароў, якія будуць даваць у 10—20 разоў болей малака

Новыя распрацоўкі ў галіне геннай інжынерыі дазволілі стварыць эмбрыёны кароў, якія будуць даваць у разы больш малака, але пры гэтым будуць прыстасаванымі да афрыканскага клімату і мухі цэцэ. Высокія надоі дазволяць скараціць пагалоўе, што будзе садзейнічаць ахове навакольнага асяроддзя.

Карова Корова Cow

Занепакоенасць адносна ўздзеяння жывёлагадоўлі на навакольнае асяроддзе і змяненне клімату ўжо даўно з'яўляецца ключавым пытаннем у сельскай гаспадарцы.

Каровы выдзяляюць метан у выніку стрававання, а метан як парніковы газ спрыяе глабальнаму пацяпленню. Па-другое, парушэнне спосабаў утылізацыі гною прыводзіць да забруджвання глебы і вады. Па-трэцяе, вытворчасць кармоў для жывёл патрабуе вялікай колькасці палёў, вады і энергіі.

Адзін са спосабаў зменшыць усе гэтыя праблемы — паменшыць колькасць кароў. Гэта можна зрабіць, павялічваючы іх малочную прадукцыйнасць.

Каманда навукоўцаў-заолагаў з Універсітэта Ілінойса з горада Урбана-Шампейн (Urbana-Champaign) генетычна мадыфікавала афрыканскіх кароў, якія ў выніку могуць вырабляць да 20 разоў больш малака і маюць павышаны парог устойлівасці да хвароб і шкоднікаў.

Сваімі дасягненнямі вучоныя падзяліліся ў часопісе Animal Frontiers. 

Навукоўцы плануюць імплантаваць 100 новых эмбрыёнаў у мясцовую жывёлу ў двух раёнах Танзаніі ў сакавіку наступнага года і спадзяюцца, што народжаныя жывёлы будуць мець усе станоўчыя ўласцівасці, якія яны задумалі.

Паводле слоў кіраўніка праекта, прафесара кафедры заатэхнікі сельскагаспадарчага каледжа Ілінойскага ўніверсітэта Мэта Уілера (Matt Wheeler),

«асноўная ідэя палягае ў тым, каб захаваць сувязь паміж устойлівасцю да хвароб і шкоднікаў і вытворчасцю малака так, каб у працэсе размнажэння гэтыя рысы не падзяляліся».

«Гэта будзе праблемай для краін, якія развіваюцца. Пакуль вы не атрымаеце чыстага сінтэтычнага пакалення, заўсёды будзе спакуса звесці карову з быком па суседстве, губляючы эфект», — зазначае Уілер.

Хоць ініцыятыва толькі пачынаецца, гэта важны першы крок ва ўкараненні больш кліматаўстойлівай жывёлагадоўлі. Тая ж тэхналогія можа быць выкарыстаная для абароны буйной рагатай жывёлы ад зменаў клімату.

У перспектыве навукоўцы спадзяюцца ўнесці ва ўжо высокапрадукцыйную амерыканскую жывёліну рысы, уласцівыя трапічным жывёлам, каб павысіць супраціўляльнасць хваробам, спякоце і засухам.

Чытайце яшчэ:

Мадыфікаваны вірус герпесу дапамагае змагацца з ракам мозга

Камары, якія забіваюць сабе падобных, могуць дапамагчы змагацца з заразнымі хваробамі

Навукоўцы стварылі генетычную зброю супраць жывёл і людзей. Наколькі яна небяспечная?

Каментары2

  • 00
    01.11.2023
    Я конечно не генный инженер
    Но что то не понимаю, как можно получать в 10 раз больше молока на той же или меньшей кормовой базе.
    Это оно в 10 раз жиже будет что ли?
    Жирностью 0.5?
  • Казік
    01.11.2023
    Гэта ж якое вымя павінна быць у тых кароў? Да зямлі вісець будзе!

    Зрабіце, каб каровы давалі расліннае малако, для веганаў. Какосавае ці аўсянае.

Цяпер чытаюць

Польшча прызнала Аляксандра Машэнскага непажаданай асобай27

Польшча прызнала Аляксандра Машэнскага непажаданай асобай

Усе навіны →
Усе навіны

Маштабны збой у трох беларускіх банках: з рахункаў знікаюць грошы9

Пад Мінскам машына збіла лася — загінулі два чалавекі, пацярпеў вядомы комік2

У Расіі хлопец на «Лексусе» эфектна вылятаў на набярэжную дзеля прыгожага відэа. Загінуў сам і дзве сяброўкі15

«Вітаем на радзіме». Беларус распавёў пра затрыманне на мяжы за лайк і сапсаваны адпачынак10

У Італіі знайшлі цела 18-гадовай украінскай студэнткі. У дзень смерці ёй адмовілі ў працягу стажыроўкі

Начальнік сувязі 8-й арміі загінуў у выніку ўдару ўкраінскімі ракетамі

Толькі адзін выпускнік здаваў цэнтралізаваны экзамен па гэтым прадмеце3

Наталля Пяткевіч працягвае выгульваць амерыканскі гардэроб16

Кінолаг расказала пра просты тэст на выхаванасць сабакі1

больш чытаных навін
больш лайканых навін

Польшча прызнала Аляксандра Машэнскага непажаданай асобай27

Польшча прызнала Аляксандра Машэнскага непажаданай асобай

Галоўнае
Усе навіны →

Заўвага:

 

 

 

 

Закрыць Паведаміць