Hiennyja inžyniery stvarajuć karoŭ, jakija buduć davać u 10—20 razoŭ bolej małaka
Novyja raspracoŭki ŭ halinie hiennaj inžynieryi dazvolili stvaryć embryjony karoŭ, jakija buduć davać u razy bolš małaka, ale pry hetym buduć prystasavanymi da afrykanskaha klimatu i muchi cece. Vysokija nadoi dazvolać skaracić pahałoŭje, što budzie sadziejničać achovie navakolnaha asiarodździa.
Zaniepakojenaść adnosna ŭździejańnia žyviołahadoŭli na navakolnaje asiarodździe i źmianieńnie klimatu ŭžo daŭno źjaŭlajecca klučavym pytańniem u sielskaj haspadarcy.
Karovy vydzialajuć mietan u vyniku stravavańnia, a mietan jak parnikovy haz spryjaje hłabalnamu paciapleńniu. Pa-druhoje, parušeńnie sposabaŭ utylizacyi hnoju pryvodzić da zabrudžvańnia hleby i vady. Pa-treciaje, vytvorčaść karmoŭ dla žyvioł patrabuje vialikaj kolkaści paloŭ, vady i enierhii.
Adzin sa sposabaŭ źmienšyć usie hetyja prablemy — pamienšyć kolkaść karoŭ. Heta možna zrabić, pavialičvajučy ich małočnuju pradukcyjnaść.
Kamanda navukoŭcaŭ-zaołahaŭ z Univiersiteta Ilinojsa z horada Urbana-Šampiejn (Urbana-Champaign) hienietyčna madyfikavała afrykanskich karoŭ, jakija ŭ vyniku mohuć vyrablać da 20 razoŭ bolš małaka i majuć pavyšany paroh ustojlivaści da chvarob i škodnikaŭ.
Svaimi dasiahnieńniami vučonyja padzialilisia ŭ časopisie Animal Frontiers.
Navukoŭcy płanujuć impłantavać 100 novych embryjonaŭ u miascovuju žyviołu ŭ dvuch rajonach Tanzanii ŭ sakaviku nastupnaha hoda i spadziajucca, što narodžanyja žyvioły buduć mieć usie stanoŭčyja ŭłaścivaści, jakija jany zadumali.
Pavodle słoŭ kiraŭnika prajekta, prafiesara kafiedry zaatechniki sielskahaspadarčaha kaledža Ilinojskaha ŭniviersiteta Meta Uilera (Matt Wheeler),
«asnoŭnaja ideja palahaje ŭ tym, kab zachavać suviaź pamiž ustojlivaściu da chvarob i škodnikaŭ i vytvorčaściu małaka tak, kab u pracesie razmnažeńnia hetyja rysy nie padzialalisia».
«Heta budzie prablemaj dla krain, jakija raźvivajucca. Pakul vy nie atrymajecie čystaha sintetyčnaha pakaleńnia, zaŭsiody budzie spakusa źvieści karovu z bykom pa susiedstvie, hublajučy efiekt», — zaznačaje Uiler.
Choć inicyjatyva tolki pačynajecca, heta važny pieršy krok va ŭkaranieńni bolš klimataŭstojlivaj žyviołahadoŭli. Taja ž technałohija moža być vykarystanaja dla abarony bujnoj rahataj žyvioły ad źmienaŭ klimatu.
U pierśpiektyvie navukoŭcy spadziajucca ŭnieści va ŭžo vysokapradukcyjnuju amierykanskuju žyviolinu rysy, ułaścivyja trapičnym žyviołam, kab pavysić supraciŭlalnaść chvarobam, śpiakocie i zasucham.
Čytajcie jašče:
Madyfikavany virus hierpiesu dapamahaje zmahacca z rakam mozha
Kamary, jakija zabivajuć sabie padobnych, mohuć dapamahčy zmahacca z zaraznymi chvarobami
Navukoŭcy stvaryli hienietyčnuju zbroju suprać žyvioł i ludziej. Nakolki jana niebiaśpiečnaja?
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary
No čto to nie ponimaju, kak možno połučať v 10 raz bolšie mołoka na toj žie ili mieńšiej kormovoj bazie.
Eto ono v 10 raz žižie budiet čto li?
Žirnosťju 0.5?
Zrabicie, kab karovy davali raślinnaje małako, dla viehanaŭ. Kakosavaje ci aŭsianaje.