«Nacyjanalnaja identyčnaść — najvažniejšy instrumient supracivu ruskamu miru»: Cichanoŭskaja vystupiła na Forumie imia Kaściuški
Siońnia, 2 červienia, u Hdańsku prachodzić Forum imia Kaściuški, pryśviečany roli kultury i identyčnaści ŭ časy palityčnaha tupiku. Da adkryćcia forumu anłajn dałučyłasia Śviatłana Cichanoŭskaja, paviedamlaje jaje pres-słužba.
Siarod haściej i ŭdzielnikaŭ forumu — namieśnik ministra zamiežnych spravaŭ Polščy Artur Charazim, namieśnik mera Hdańska Piotr Hželak, nobieleŭski łaŭreat Aleś Bialacki, hałoŭnaja redaktarka «Biełsata» Alina Koŭšyk, a taksama pradstaŭniki Rady Jeŭropy i Jeŭrapiejskaj kamisii.
Ad Ofisa Śviatłany Cichanoŭskaj u forumie ŭdzielničajuć staršy daradca Śviatłany Cichanoŭskaj Franak Viačorka, namieśnica dyrektara Stanisłava Hlińnik, dyrektarka Ofisa ŭ Čechii Kryścina Šyjanok.
U svajoj pramovie Cichanoŭskaja padziakavała Jeŭrapiejskamu centru salidarnaści, polskim uładam i mižnarodnym partnioram za padtrymku biełaruskaj kultury, palitviaźniaŭ i biełarusaŭ u vyhnańni. Jana padkreśliła, što kultura siońnia dapamahaje biełarusam zachoŭvać suviaź adno z adnym i supraćstajać rusifikacyi.
«Čamu padtrymka biełaruskaj kultury, kulturnych suviaziaŭ, nacyjanalnaj identyčnaści maje takoje značeńnie ciapier?
Pa-pieršaje, kultura słužyć mostam pamiž biełarusami pa abodva baki miažy. Kali sotni tysiačaŭ apynulisia ŭ vyhnańni, praz movu, litaraturu, muzyku, teatr, supolnuju pamiać my zachoŭvajem suviaź adno z adnym.
Pa-druhoje, nacyjanalnaja identyčnaść — najvažniejšy instrumient supracivu ruskamu miru. Niezdarma Rasija pravodzić hvałtoŭnuju rusifikacyju, jak u Biełarusi, tak i na akupavanych terytoryjach Ukrainy.
Pa-treciaje, kultura — heta taksama elemient biaśpieki. Mocnaja nacyjanalnaja identyčnaść robić hramadstva bolš ustojlivym da prapahandy i sprobaŭ źniešniaha kantrolu. I, narešcie, kultura — heta toje, što jadnaje nas ź Jeŭropaj. Biełaruś histaryčna była častkaj jeŭrapiejskaj kulturnaj prastory i ahulnajeŭrapiejskaj spadčyny. I padtrymlivajučy kulturu, my ŭzmacniajem jeŭrapiejskaść biełaruskaha hramadstva», — skazała Śviatłana Cichanoŭskaja.
Ciapier čytajuć
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku27
Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary
Moža para pra heta HUČNA pahavaryć, u tym liku na staronkach NN?
Kolki siarod mihrantaŭ paśla 2020 było datyčnych da śfiery kultury? Sotni tysiač heta niejkaja manipulacyja. Bolš za toje, davajcie padličym, kolki z tych ziechaŭšych uvohule karystałasia ci prynamsi viedała biełaruskuju movu.
Ahidna toje, što siarod biełarusaŭ, jakija apynulisia ŭ 2020 Polšču, chapaje nośbitaŭ russkoho mira.