Minčanka čatyry hady pražyła z mužčynam, naradziła dzicia, i nie viedała jaho imia
Minčanka naradziła syna ad mužčyny, a sapraŭdnaje imia sužyciela daviedałasia tolki ŭ milicyi.
Heta historyja padobnaja da siužetu kino: minčanka čatyry hady žyła z čałaviekam, naradziła ad jaho syna i navat nie padazravała, što kachany karystajecca vydumanym imiem. Praŭda adkryłasia tolki tady, kali siamju pačali šantažavać nieviadomyja, piša BiełTA.
A pačałosia ŭsio pryhoža — u 2018 hodzie para paznajomiłasia na sajcie znajomstvaŭ. Jany źjechalisia, i nieŭzabavie ŭ ich naradziŭsia syn. U 2022 hodzie pačućci astyli, i para razyšłasia.
Na hetym usio mahło b i skončycca, ale, spuściŭšy ŭsie hrošy na hulniavych aŭtamatach, mužčyna vyrašyŭ zarabić na byłoj. Jon umolvaŭ žančynu dapamahčy i płakaŭsia, što jaho žyćciu pahražaje niebiaśpieka.
Potym žančyna stała atrymlivać paviedamleńni ad trecich asob z patrabavańniem viarnuć hrošy. Nieviadomyja pahražali raspravaj i joj, i maleńkamu dziciaci. Spałochanaja žančyna prybiehła ŭ milicyju prasić abarony dla siabie i dla svajho byłoha.
Kali milicyjanty pačali raskručvać spravu, vyśvietliłasia, što ŭsie žudasnyja paviedamleńni ad trecich asob pisaŭ sam mužčyna.
Akazałasia, što da zvarotu ŭ milicyju 39‑hadovaja žančyna nie viedała sapraŭdnych pašpartnych źviestak baćki dziciaci. U paśviedčańni ab naradžeńni baćka dziciaci byŭ zapisany ź jaje słoŭ. A jaho sapraŭdnaje imia pa pašparcie było zusim inšaje.
Takim čynam sa śniežnia 2023 hoda da sakavika 2024 hoda łudaman paśpieŭ vyduryć u žančyny bolš za 8 tysiač rubloŭ, jakija adrazu prahulaŭ u kazino.
Jamu dali 1 hod chatniaj chimii i vypisali štraf u 4,5 tysiačy rubloŭ. Prysud užo ŭstupiŭ u siłu.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary