Ukraina pierarazaje šlachi zabieśpiačeńnia rasijskaj armii pa trasie Tahanroh — Maryupal — Mielitopal — Džankoj
Daroha viadzie ŭ Krym.
Sotni rasijskich vajskovych hruzavikoŭ byli atakavanyja ŭkrainskimi dronami na trasie Tahanroh — Maryupal — Mielitopal — Džankoj.
Sapraŭdnaść dziasiatka videazapisaŭ była paćvierdžana kamandaj pa praviercy faktaŭ BBC Verify sumiesna z analitykami OSINT-prajekta GeoConfirmed.
Hetaja mahistral stała adnoj z hałoŭnych celaŭ ukrainskich dronaŭ.
Na praanalizavanych videa bačny zharełyja fury i inšyja vajskovyja mašyny na roznych učastkach trasy.
Pavodle słoŭ Klemienta Maleana z analityčnaha centra Atum, viadoma pra źniščeńnie jak minimum 150 mašyn, jakija znachodzilisia na adlehłaści bolš za 20 kiłamietraŭ ad linii frontu, i heta, chutčej za ŭsio, tolki pałova ŭsich padobnych vypadkaŭ.
Štodnia, pavodle acenki ekśpierta pa suchaputnaj vajnie Robierta Tołasta z brytanskaha analityčnaha centra RUSI, adna rasijskaja bryhada pavinna atrymlivać da 1000 ton hruzaŭ (paliva, charčavańnie i bojeprypasy). Kali ž pierarezać šlachi zabieśpiačeńnia, heta, na jaho dumku, stanie vielmi surjoznaj prablemaj dla Uzbrojenych sił Rasijskaj Fiederacyi.
Kamientary