«Ja ratuju tvaju dupu». Tramp vyłajaŭsia na Nietańjachu za namier atakavać Biejrut
«Ty čortavy varjat. Ty b siadzieŭ u turmie, kali b nie ja».
Prezident ZŠA rezka raskrytykavaŭ premjer-ministra Izraila z vykarystańniem niecenzurnaj łajanki z-za namieru apošniaha atakavać Biejrut. Heta adbyłosia padčas telefonnaj razmovy palitykaŭ uviečary 1 červienia, paviedamlaje Axios.
Pryčynaj abureńnia Trampa staŭ zahad CACHAŁ nanieści ŭdary pa «terarystyčnych abjektach» u Biejrucie, jaki ranicaj 1 červienia addali Nietańjachu i ministr abarony Izraila Izrael Kac. Heta adbyłosia na fonie ŭzmacnieńnia abstrełaŭ poŭnačy Izraila z boku «Chiezbały». Ułady Izraila nazvali heta parušeńniem režymu spynieńnia ahniu.
U adkaz na izrailskija ŭdary pa Livanie Iran zajaviŭ, što spyniaje pieramovy z Vašynhtonam i całkam błakuje Armuzski praliŭ
Kiraŭnik Biełaha doma nazvaŭ izrailskaha premjera «varjatam».
«Ty čortavy varjat. Ty b siadzieŭ u turmie, kali b nie ja. Ja ratuju tvaju dupu. Ciapier ciabie ŭsie nienavidziać. Usie nienavidziać Izrail z-za hetaha», — tak, pavodle krynic Axios, skazaŭ Tramp.
Premjer-ministr Izraila zajaviŭ, što CACHAŁ praciahvaje apieracyju na poŭdni Livana.
«Siońnia ŭviečary ja razmaŭlaŭ z prezidentam Trampam i skazaŭ jamu, što kali «Chiezbała» nie spynić napady na našy harady i hramadzian, Izrail naniasie ŭdary pa terarystyčnych celach u Biejrucie», — adznačyŭ Nietańjachu.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary
Paśla Trampa ratavać Israil Nietańjachu nichto ni budzie ...z Štataŭ pry budź jakoj administracyi
Usie pabačym ...