Ranicaj 18 žniŭnia telehram-kanały, źviazanyja ź siłavymi strukturami ŭ Biełarusi, zajavili pra ŭzłom sajta «Paleskaja viasna» i nibyta atrymańnie dostupu da paštovaj skrynki, jakaja była źviazanaja z administracyjnaj častkaj sajta. Pravaabarončy centr «Viasna» paćvierdziŭ, što rehijanalny sajt «Paleskaja viasna» sapraŭdy byŭ uzłamany, i daŭ tłumačeńnie situacyi.
U «Viaśnie» adznačyli, što sajt «Paleskaj viasny» nie abnaŭlaŭsia amal dva hady i faktyčna vykarystoŭvaŭsia tolki jak archiŭ starych materyjałaŭ.
Pravaabaroncy padkreślili, što hety sajt i zhadanaja paštovaja skrynka nie byli źviazanyja z centralnym resursam arhanizacyi — spring96.org, a taksama ź inšymi infarmacyjnymi płatformami «Viasny».
Centralny sajt, aficyjnyja elektronnyja skrynki arhanizacyi i zvaroty, jakija praź ich dasyłajucca, pavodle zajavy «Viasny», znachodziacca ŭ biaśpiecy.
Ciapier pravaabarončy centr vyśviatlaje, što adbyłosia z paštovaj skrynkaj, pra jakuju zajavili siłaviki, i ci byŭ da jaje atrymany dostup.
«Viasna» taksama abvierhła infarmacyju pra nibyta ŭciečku finansavych danych arhanizacyi. Pa słovach pravaabaroncaŭ, hetyja zajavy nie adpaviadajuć rečaisnaści i źjaŭlajucca sprobaj siłavych struktur dyskredytavać dziejnaść arhanizacyi.
Pravaabarončy centr «Viasna» zajaviŭ, što budzie i nadalej paviedamlać pra raźvićcio situacyi.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ56
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1818
Kamientary
I 3 piśma "nihieryjskaha spamu" (razvoda) jak prykład vialikich prybytkaŭ pravaabaroncaŭ:
"V fievrale 2026 iz Kanady im priedłožili 16 800 000 $"
"v pozaprošłuju subbotu ... połučili płatiež v 5 800 000 €."
"300 000 $"
Na zvyčajnyja elektronnyja pošty takoje daŭno nie prychodzić - filtrujecca, a na słabaabaronienyja skryni sajtaŭ dahetul dasyłajuć.
Voś heta było śmiešna. HUBAZiki, jak kažuć, vinšujem z padklučeńniem da internetu.
A kali vy heta typa durniaŭ uklučyli (fejk), to ŭ durniach apynułasia ŭ pieršuju čarhu vašaja łajalnaja č-z aŭdytoryja.
Biełaruskim inicyjatyvam - povad zadumacca, što zakinutych sajtaŭ/resursaŭ nie pavinna być. Kali sajt niechta apłaciŭ i jon pakul žyvy, pavinny być abaviazkovyja vydatki i na jaho abaronu, aŭdyt. Kali i hetaha niama, to na akuratny vyvad u archiŭ i adklučeńnie.