Mytnyja taryfy pavinny byli ŭstupić u siłu 19 žniŭnia, kali amierykanski prezident padpisaŭ ukaz ab ich uviadzieńni.
«Ja prypyniŭ dziejańnie 50‑pracentnych myt suprać Kanady, jakija pavinny byli ŭvajści ŭ dziejańnie ranicaj u sieradu, na try dni, zychodziačy z taho, što Kanada i ZŠA, pry ŭmovie zaviaršeńnia afarmleńnia dakumientaŭ, zaklučyli ŹDZIEŁKU!» — napisaŭ prezident ZŠA Donald Tramp u Truth Social.
Taryfy pavinny byli ŭvajści ŭ dziejańnie 19 žniŭnia, kali amierykanski prezident miesiac tamu padpisaŭ ukaz ab ich uviadzieńni, piša Bi-bi-si.
Ciapier u svaim dopisie Tramp zhadaŭ prajekt budaŭnictva naftapravoda Keystone XL, jaki, pavodle jaho słoŭ, «moža paŭstać z mahiły». U 2021 hodzie prezident Džo Bajden adklikaŭ dazvoł na budaŭnictva naftapravoda.
Myty pavinny byli raspaŭsiudžvacca na takija tavary, jak małočnyja pradukty, ałkahol i mebla. Heta kala 5% ad ahulnaha koštu impartu ZŠA z Kanady ŭ minułym hodzie, adznačaje CNN.
Premjer-ministr Kanady Mark Karni i Tramp praviali pieramovy ŭ paniadziełak i aŭtorak, pry hetym Karni acharaktaryzavaŭ ich jak «vielmi dalikatnyja i napružanyja». Prezident ZŠA płanavaŭ vykarystać małaviadomy zakon 1930‑ch hadoŭ, jaki raniej nie prymianiaŭsia dla ŭviadzieńnia myt.
Čakałasia, što Bieły dom sutykniecca ź jurydyčnymi prablemami, adnak pakul sud nie vyniesie svaju pastanovu, Tramp zmoža prymianiać hety zakon.
Ciapier čytajuć
«U pašparcie babuli staić data naradžeńnia 00.00.1945» — «A ŭ majoj XX.XX.1940». Jak takoje moža być?7
Kamientary