Na aŭkcyjonnaj placoŭcy «BiełJurZabieśpiačeńnie» łot vystaŭleny sa źnižkaj 20%. Papiaredni raz kompleks sprabavali pradać 15 maja, ale tarhi nie adbylisia z-za adsutnaści pakupnika, piša Office Life.
Tady canu abjekta ŭstanavili bolš za 23,195 młn rubloŭ (bolš za $8,2 młn pa kursie Nacbanka na toj momant). Ciapier jaje źnizili na 20% — aŭkcyjon startuje z 18 556 041,81 rubla (kala $6,7 młn). Tarhi pryznačany na 17 červienia 2026 hoda. Zajaŭki buduć prymać da 16:00 16 červienia.
Harnałyžny kompleks užo sprabavali pradać u 2023 hodzie. Tady za jaho prasili amal $24 młn.
Pakupniku dastaniecca vialikaja haspadarka: u śpisie značacca bolš za 700 pazicyj. Siarod ich — haścinicy, anhary, banny kompleks, abstalavańnie i technika, mabilnyja prybiralni i navat drevy.
Dla novaha ŭłaśnika jość abaviazkovaja ŭmova — profil kompleksu źmianiać nielha. Patrebna budzie zachavać metavaje pryznačeńnie terytoryi i raźmieščanych na joj abjektaŭ.
Taksama kompleks pavinien zastavacca dastupnym dla ŭsich katehoryj hramadzian.
Ab zakryćci harnałyžnaha kompleksu «Łahojsk» pad Minskam abviaścili 31 sakavika.
Kamientary