Siłaviki prychodziać da studentaŭ EHU — i ciapierašnich, i byłych
«Našaj Nivie» stała viadoma pra niekalki vypadkaŭ, kali siłaviki pryjšli da vypusknikoŭ EHU. Pieratrusy i dopyty ŭ ludziej, źviazanych z univiersitetam, prachodziać pa ŭsioj krainie.
Pa fakcie supracoŭnictva ź EHU raspačali kryminalnuju spravu. «Viasna» paviedamiła, što da dziejnych studentaŭ prychodziać siłaviki i pahražajuć kryminalnym pieraśledam, kali čałaviek nie adličycca z ustanovy. Pahražajuć kryminalnymi spravami i rodnym ciapierašnich studentaŭ EHU — maŭlaŭ, kali ich dzieci nie adličacca, to kryminałki zaviaduć na ich svajakoŭ. Pravaabaroncam viadoma pra minimum 12 čałaviek, da jakich pryjšli siłaviki.
Pa jakich mienavita artykułach raspačali kryminalnuju spravu — pakul nieviadoma. Mahčyma, za ŭdzieł u «ekstremisckim farmavańni».
«Našaj Nivie» ŭ svaju čarhu viadomyja dva vypadki, kali prychodzili da byłych studentaŭ. Vypadki, pra jakija idzie havorka, mieli miesca ŭ Minsku i ŭ adnym ź biełaruskich rajcentraŭ. Adzin z vypusknikoŭ, da jakich pryjšli, skončyŭ EHU ŭ 2019-m, druhi — u 2025-m. Siłaviki pravodzili vobšuk na padstavie pošukaŭ «ekstremisckaj simvoliki».
Biełaruskija ŭłady abviaścili EHU «ekstremisckaj arhanizacyjaj» u krasaviku 2026-ha. Kala 100 studentaŭ paśla hetaha pakinuli ŭniviersitet.
Siłaviki śćviardžali, što kryminalnaja adkaznaść moža pahražać tym biełarusam, jakija praciahnuć vykładać ci vučycca va ŭniviersitecie paśla pryznańnia jaho «ekstremisckaj arhanizacyjaj». Pry hetym u kanale, blizkim da Ministerstva adukacyi, kazali, što za staryja dypłomy čapać nikoha nie buduć.
«Naša Niva» — bastyjon biełaruščyny
PADTRYMAĆCiapier čytajuć
Kala płoščy Banhałor u Minsku vyras jašče adzin zvyšsakretny abjekt23
Kala płoščy Banhałor u Minsku vyras jašče adzin zvyšsakretny abjekt
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Na ŭsie śpiecyjalnaści vučać, ad dajarki da dypłamata-mižnarodnika. Na prezidzienta i čynoŭnikaŭ pahladzicie, jakija adukavanyja ŭsie: z halštukami, bacinki načyščanyja, viedajuć zamiežnyja movy (ruskuju)