Prakuratura pałochaje, što za navučańnie i pracu ŭ EHU moža pahražać da šaści hadoŭ źniavoleńnia
U siaredzinie krasavika biełaruskija ŭłady pryznali Jeŭrapiejski humanitarny ŭniviersitet, što ad 2004 hoda dziejničaje ŭ Vilni, ekstremisckaj arhanizacyjaj. Načalnik adździeła prakuratury Viciebskaj vobłaści Dźmitryj Kudraŭcaŭ raskazaŭ «Vićbičam», jakija nastupstvy mohuć pahražać studentam i vykładčykam.
«Z hetaha momantu lubyja finansavyja apieracyi na adras univiersiteta, uklučajučy apłatu navučańnia abo dabračynnyja ŭnioski, kvalifikujucca jak finansavańnie ekstremisckaj dziejnaści pavodle artykuła 361‑2 Kryminalnaha kodeksa Respubliki Biełaruś, jaki praduhledžvaje pakarańnie da piaci hadoŭ pazbaŭleńnia voli. Anałahična pracoŭnyja adnosiny, vykładańnie abo praciah navučańnia ŭ EHU traktujecca jak udzieł u ekstremisckim farmiravańni pavodle artykuła 361‑1 Kryminalnaha kodeksa, što ciahnie kryminalnuju adkaznaść na termin da šaści hadoŭ pazbaŭleńnia voli», — adznačyŭ Dźmitryj Kudraŭcaŭ.
Taksama ŭ prakuratury kažuć, što vykarystańnie simvoliki, raspaŭsiudžvańnie materyjałaŭ abo navat najaŭnaść padpiski na internet-resursy ŭniviersiteta taksama źjaŭlajucca padstavami dla pryciahnieńnia da adkaznaści.
Rektar EHU pra ekstremiscki status univiersiteta: «Samy składany etap z 2004 hoda»
Paradoks, ale pryznańnie EHU ekstremisckim raźviaža jamu ruki
«Univiersitet praciahvaje svaju dziejnaść». EHU prakamientavaŭ abviaščeńnie siabie ŭładami Biełarusi «ekstremisckaj arhanizacyjaj»
EHU pryznali ekstremisckaj arhanizacyjaj
EHU zaprašaje na adukacyjnuju prahramu «Jeŭrapiejskaja spadčyna i kreatyŭny turyzm»
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary
Cikava ci čuli łukašysty pra kryzis źviazany ź niedachopam pracaŭnikoŭ, małaj naradžalnaściu i adychodam bumieraŭ na piensiju(albo na toj śviet)?
Moža, kali troški padumać, treba nie pieraśledavać moładź, a pačać stvarać spryjalnyja varunki, kab moładź nie ŭciakała za miažu? Moža treba zabiaśpiečyć biaśpieku, vierchavienstva prava i spraviadlivaść? Moža treba zakryć ryi Azaronkam, razahnać hubazik i inšyja ŁHBT kantory jaki šturchajuć Biełaruś da vialikaha kryzisu?
I tak, možna skazać što usich zamienim mihrantami - ale kryzis naradžalnaści paŭsiul. Praz 10 hadoŭ mihrantaŭ nie budzie - bo nie budzie kamu mihravać. I bolej, talenavityja i bahatyja ŭ Biełaruś nie pajeduć ;)
Tamu moža treba ŭžo zaraz pačać niešta rabić?
Ale čaho heta ja, praściej niešta tam lapać u dziaržaŭnych ŚMI, vyjści ŭ 45 hadoŭ na piensiju i pajechać pracavać dalnabojem :)