У сяле пад Кіевам сутычкі і страляніна каля дома з вайскоўцамі. Кажуць, што іх утрымлівалі незаконна
2 лістапада ў сяле Петрапаўлаўская Баршчагоўка пад Кіевам адбыліся сутычкі каля прыватнага дома, які, паводле паведамленняў у сацыяльных сетках, нібыта выкарыстоўваўся для незаконнага ўтрымання каля 40 чалавек, піша «Суспільне».
Падставай для скандалу сталі відэа ў сацыяльных сетках, аўтары якіх сцвярджалі, што ў падвале дома ўтрымліваюць мабілізаваных мужчын, якіх збіваюць і катуюць, а за магчымасць сустрэчы з імі і медыцынскую дапамогу патрабуюць грошы.
Каля будынка сабралася прыкладна сто чалавек. Некаторыя назваліся сваякамі мужчын, якія знаходзіліся ў доме.
Падчас акцыі людзі пачалі ламаць браму, паміж імі ўзніклі сутычкі. Невядомыя распылялі газ, выкарыстоўвалі вогнетушыцелі і аблівалі прысутных невядомай вадкасцю.
Паліцыя заявіла, што незаконнага ўтрымання людзей не было, а будынак выкарыстоўваўся для часовага размяшчэння вайскоўцаў перад адпраўкай на навучанне. Паводле паліцэйскіх, мужчыны знаходзіліся ў здавальняючым стане, а паведамленні пра катаванні не адпавядалі рэчаіснасці.
Намеснік начальніка абласной паліцыі Максім Ачарацяны пацвердзіў, што дом з’яўляецца вайсковым аб’ектам.
Камандуючы Нацгвардыяй Аляксандр Піўненка паведаміў, што чатырох вайскоўцаў, якім патрабавалася медыцынская дапамога, даставілі ў бальніцу. Паводле яго слоў, яны знаходзіліся ў статусе тых, хто самавольна пакінуў вайсковыя часці. Астатнія мужчыны ў будынку таксама былі вайскоўцамі Нацгвардыі.
Познім вечарам да дома ў Петрапаўлаўскай Баршчагоўцы прыехаў кіраўнік Офіса прэзідэнта Украіны Кірыла Буданаў. Паводле звестак «Украінскай праўды», натоўп пры гэтым перакрыў выезд з тэрыторыі будынка і разграміў аўтобус Нацыянальнай гвардыі. На апублікаваных відэазапісах чуваць стрэлы.
Паводле слоў Буданава, у будынку ўтрымлівалі 14 чалавек.
На пытанне, ці законна ўтрымлівалі людзей, Буданаў адказаў: «Гэта высветліць следства».
У Запарожскай вобласці расіяне ўдарылі па школе, дзе раздавалі гуманітарку. Загінулі як мінімум 24 чалавекі
Ва Украіне і Расіі ўзламалі сістэмы апавяшчэнняў. Людзям прыходзілі паведамленні пра хімічную небяспеку і ядзерную пагрозу
Кіеў аднавіў інтэнсіўныя ўдары па расійскіх НПЗ пасля таго, як Вашынгтон праігнараваў яго патрабаванні
Украінцы прайшлі 15 кіламетраў пад зямлёй у тыл расіян. Што вядома пра аперацыю «Вялес»
Каментары