Страхавая кампанія «Асоба» з 30 кастрычніка пайшла ў ліквідацыю. Такое рашэнне прынялі яе ўласнікі, звярнула ўвагу Infotrans Media Belarus.
24 красавіка Міністэрства фінансаў пазбавіла кампанію ліцэнзіі. Прычынай стала тое, што страхоўшчык не выканаў у вызначаны тэрмін патрабаванне рэгулятара. Кампанія павінна была забяспечыць выкананне правіл інвеставання сродкаў страхавых рэзерваў і іх размяшчэння.
Раней, у кастрычніку 2025 года, Мінфін прыпыніў дзеянне ліцэнзіі «Асобы» да 13 красавіка 2026 года. Гэта было звязана з тым, што кампанія не выправіла парушэнне заканадаўства аб страхаванні, выяўленае падчас праверак. Яно таксама датычылася парадку інвеставання і размяшчэння сродкаў страхавых рэзерваў.
Абавязацельствы, якія «Асоба» ўзяла на сябе паводле дагавораў страхавання, перадалі «Белдзяржстраху».
Раней кампанія была вядомая пад назвай «Белкаапстрах». Яна з'явілася на беларускім рынку ў 1992 годзе. Сярод яе акцыянераў былі Дзяржаўны камітэт па маёмасці, кампанія «Экспрэс Акцэпт» і «Белаграпрамбанк».
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
Дуваў вусы на планеце,
Мырчаў песенькі павольна,
Быццам шэф на працы вольна.
А мышы тым часам плясаць,
Сала з полек даставаць,
Але кот раптам прыўзняўся —
Вечар смехам зарыгаўся!