Беларусь і Дамініканская Рэспубліка плануюць узаемна адмяніць візы. Аляксандр Лукашэнка ўхваліў праект адпаведнага міжурадавага пагаднення.
Дакумент прадугледжвае, што грамадзяне абедзвюх краін змогуць без віз уязджаць на іх тэрыторыю, выязджаць з яе і праязджаць транзітам. Аднак знаходзіцца ў краіне можна будзе не больш за 30 дзён з моманту ўезду і не больш за 90 дзён на працягу каляндарнага года.
Цяпер Міністэрства замежных спраў Беларусі павінна працягнуць перамовы па праекце пагаднення і падпісаць яго. Працэс падрыхтоўкі да адмены віз пачаўся яшчэ ў верасні 2023 года.
Дамініканская Рэспубліка займае ўсходнюю частку вострава Гаіці ў Карыбскім моры. Яна славіцца сваімі пляжамі, агульная працягласць якіх дасягае 1500 кіламетраў. Турыстам прапануюць адпачынак у гатэлях з сістэмай «усё ўключана», на вілах з басейнамі і побач з пляжамі. Часцей за ўсё рэйсы з турыстамі ў гэтым кірунку з нашага рэгіёна адпраўляюцца з Варшавы і Масквы. Працягласць адпачынку звычайна складае адзін-два тыдні.
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3030
Каментары