У Польшчы знайшлі нелегальную вытворчасць вайсковых дронаў. Большасць абвінавачаных — беларусы
У Польшчы знайшлі нелегальную вытворчасць вайсковых беспілотнікаў. Пракуратура накіравала ў Акруговы суд Варшавы абвінаваўчае заключэнне па справе аб вырабе і продажы такіх дронаў без неабходных дазволаў і ліцэнзій, піша выданне Most.
Сярод абвінавачаных — трое грамадзян Беларусі, жанчына з падвойным грамадзянствам Польшчы і Украіны, а таксама грамадзянін Польшчы.
Усім пяці фігурантам справы інкрымінуюць удзел у арганізаванай злачыннай групе. Двух з іх дадаткова абвінавачваюць у стварэнні гэтай групы і кіраўніцтве ёю. Мяркуецца, што яе ўдзельнікі зараблялі на вытворчасці і экспарце беспілотнікаў вайсковага прызначэння без адпаведных дазволаў і ліцэнзій.
Па інфармацыі следства, група дзейнічала як мінімум з 16 лістапада 2022 года да 13 лютага 2025 года.
Падчас расследавання высветлілася, што ў вытворчым цэху на розных этапах вырабу знаходзіліся не менш за 176 беспілотнікаў. Іх аднеслі да прадукцыі вайсковага прызначэння.
Следства лічыць, што вытворчасць маскіравалі пад законную гаспадарчую дзейнасць, а затым беспілотнікі незаконна прапаноўвалі да продажу за межамі Польшчы.
Двух абвінавачаных узялі пад варту. Да астатніх ужылі меры стрымання, не звязаныя з пазбаўленнем волі. На маёмасць фігурантаў наклалі арышт на агульную суму больш за 3 мільёны злотых (каля 760 тысяч даляраў).
За злачынствы, у якіх абвінавачваюць удзельнікаў групы, ім пагражае да 10 гадоў пазбаўлення волі, а яе кіраўнікам — да 15 гадоў.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Група з 5 чалавек. 3 грамадзяніна Беларусі, 2 грамадзяніна Польшчы.
Загаловак: "Большасць абвінавачаных — беларусы".
Ну 3 ў параўнанні з 2 гэта сапраўды большасць.