У Арыны Сабаленкі падчас тэлешоу скралі заручальны пярсцёнак за 800 тысяч даляраў
Беларуская тэнісістка, 2‑я ракетка свету Арына Сабаленка ледзь не страціла заручальны пярсцёнак коштам 800 тысяч даляраў падчас удзелу ў папулярным амерыканскім тэлешоу.
Гэты дарагі падарунак спартсменка атрымала вясной ад свайго жаніха, бразільскага бізнэсмена Георгіаса Франгуліса. Пара заручылася 3 сакавіка ў амерыканскім горадзе Індыян-Уэлс. Менавіта там 8 лістапада павінен пачацца выніковы турнір WTA, на якім Сабаленка плануе завяршыць цяперашні гульнявы сезон.
Пярсцёнак з дыяментам знік з пальца тэнісісткі падчас выступлення амерыканскага менталіста і ілюзіяніста Оза Перлмана, які запрасіў Сабаленку паўдзельнічаць у сваім нумары. Фокуснік непрыкметна зняў упрыгожанне, і спартсменка не адразу заўважыла знікненне. Праз некалькі хвілін, калі яна ўжо пачала хвалявацца, Перлман эфектна дастаў пярсцёнак са звычайнага жоўтага тэніснага мяча.
Сабаленка была ўражаная спрытам і майстэрствам ілюзіяніста.
«Я ў шоку і дагэтуль правяраю, ці той гэта пярсцёнак!» — з усмешкай падзялілася яна эмоцыямі ў сацыяльных сетках.
Пярсцёнак быў выраблены ювелірамі на заказ паводле індывідуальнага эскіза для будучай жонкі Франгуліса. Ягоны сапраўдны рынкавы кошт можа быць значна вышэйшы за згаданыя 800 тысяч даляраў.
Цяпер чытаюць
Яму далі 15 гадоў па паказаннях Пратасевіча. Ён пасівеў за адну ноч19
Каментары