«Партнёраў нейрасетка падбірае цынічна». Але вось як сайт знаёмстваў Hot Chat 3000 ацаніў Каліноўскага
Ідэя новага сайта для знаёмстваў Hot Chat 3000 жорсткая аж да абсурднасці. Тут штучны інтэлект праяўляе сябе цалкам — як і чалавек у сваёй магчымасці ім (а ён намі) маніпуляваць.
MSCHF (вымаўляецца як «mischief» — «свавольства») — амерыканскі мастацкі калектыў, які базуецца ў Брукліне, Нью-Ёрк. Каманда стварыла шырокі спектр самых разнастайных твораў мастацтва, пачынаючы ад плагінаў для браўзераў і фатаграфій ног, створаных ШІ, і заканчваючы фізічнымі прадуктамі кшталту красовак ці недарэчных вялізных чырвоных ботаў.
Раней у гэтым годзе мастацкі калектыў запусціў гульню-сімулятар знаёмстваў Tax Heaven 3000, якая адначасова мела спрыяць вашай падатковай адукацыі, быццам дапамагаючы падрыхтаваць вашы падаткі на прыбытак (па амерыканскім заканадаўстве).
Цяпер MSCHF вярнуўся з праектам пад назвай Hot Chat 3000.
Сайт hotchat3000.com уяўляе сабой фактычна анлайн-чат у фармаце «адзін на адзін», дзе тое, з кім вы размаўляеце, залежыць ад таго, наколькі вы прывабна выглядаеце па шкале ад 1 да 10. Рэйтынг, само сабой, вызначаецца штучным інтэлектам.
У гумарыстычным рэкламным роліку да праекта рэпарцёр кажа: «Стварэнне MSCHF выклікае ў людзей моцны ажыятаж. Hot Chat 3000 выкарыстоўвае ўдасканалены штучны інтэлект для ацэнкі «крутасці» чалавека і супастаўлення яго з кім-небудзь такім жа «крутым» ці не».
Пры пераходзе на так званы сайт знаёмстваў карыстальнікам прапануецца альбо зрабіць фота, альбо загрузіць яго са свайго архіва. Праграма ацэньвае вашу прывабнасць па шкале ад 1 да 10 на падставе фатаграфіі — і вам дазваляецца размаўляць толькі з тымі карыстальнікамі, якія знаходзяцца ў «дыяпазоне вашай прывабнасці» (напрыклад, 5,0—5,9).
Вялікая мадэль машыннага навучання, якая выкарыстоўвалася для сайта, была навучана OpenAI на наборы даных з 400 мільёнаў пар фармату «выява-тэкст», сцвярджае Hypebeast. Мадэль па факце выстаўляе ацэнкі выявам у адпаведнасці са «сваім» разуменнем канцэпцый прыгажосці, закладзеным MSCHF.
Іншымі словамі, вынікі, якія паказваюць сучасныя вялікія моўныя мадэлі, з'яўляюцца адлюстраваннем даных, на якіх гэтыя мадэлі навучаліся. А Hot Chat 3000 па сваім жа ўласным сцвярджэнні наўмысна імкнецца выкрыць, візуалізаваць і пагоршыць гэтую непазбежную прадузятасць.
І ў канцы адзін займальны факт. Рыхтуючы гэты артыкул, мы пратэставалі новы сайт знаёмстваў на фотаздымку Кастуся Каліноўскага. Каліноўскага нейрасетка ацаніла ў 9,8 бала з 10. Выбітны беларус аказаўся настолькі прыгожы, што нейрасетцы склала праблему знайсці яму пару для гутаркі.
Чытайце таксама:
Чаму не зайшоў ананімны тындар для беларусаў?
Штучны інтэлект здольны падабраць вам ідэальнага партнёра. Сумна? Затое надзейна
«Не лайкаю мужчын з голым торсам». Беларускі расказалі, па якіх крытэрыях выбіраюць хлопцаў у Tinder
Цяпер чытаюць
Ціханоўскі на мітынгу ў Варшаве: Я зламаю гэты рэжым ВІДЭА3
Каментары