Alaksandr Łukašenka raźviŭ radasnuju aktyŭnaść u suviazi z čakanym palotam pieršaj biełaruskaj kasmanaŭtki Maryny Vasileŭskaj na MKS. Čamu tak i dla čaho?
Spačatku Alaksandr Łukašenka sazvaniŭsia ź biełaruskaj kasmanaŭtkaj pa videasuviazi, vydaŭ kuču žartaŭ i paabiacaŭ sałatu z cybuli pa viartańni. A paśla, nie čakajučy palotu, chucieńka padpisaŭ śpiecyjalny zakon dla kasmanaŭtki i dla jaje dublorki, jaki daje im ilhoty i abaviazvaje ŭdzielničać u hramadska-palityčnym žyćci.
Praściej kažučy, praz adsutnaść jakich-niebudź značnych dasiahnieńniaŭ i vybitnych piersanažaŭ Łukašenka vyrašyŭ sam zrabić sabie novuju zorku — umoŭna kažučy, biełaruskuju Valancinu Cieraškovu.
Ale ž pieršaja sproba nie ŭdałasia. Start byŭ zapłanavany na 21 sakavika: rakieta z Vasileŭskaj musiła vypravicca ŭ da MKS z arandavanaha Rasijaj kasmadromu Bajkanur u Kazachstanie. Paśla biełaruska pavinna była pravieści na arbicie 12 sutak i viarnucca na ziamlu.
Ale ž niešta pajšło nie tak: rakieta trochi padymiła, i pusk admianili. Što zdaryłasia i jakija prablemy ŭźnikli sa startam — pakul infarmacyi niama. Ale papiarednija viersii nastupnyja: ci to ruchaviki rakiety «Sajuz», jakaja pavinna była adpravić karabiel z ekipažam na MKS, nie ŭklučylisia ŭ naležny čas. Ci to nie adyšła adna z mačtaŭ startavaha kompleksu.
Dakładna viadoma tolki toje, što pusk admianiła aŭtamatyčnaja sistema biaśpieki.
Nastupnaja sproba — u subotu, 23 sakavika.
Valancina Cieraškova, pieršaja savieckaja kasmanaŭtka, adyhrała važnuju rolu ŭ prapahandzie savieckaj, a paśla i pucinskaj sistemy. Staršynia Kamiteta savieckich žančyn — u Łukašenki taksama jość svoj Sajuz žančyn, jaki adyhryvaje niemałuju rolu ŭ vybarčych farsach i dla padtrymańnia hramadstva ŭ pakorlivaści. Deputatka Viarchoŭnaha Savieta ŭsich sklikańniaŭ i Dziaržaŭnaj Dumy — i mienavita Cieraškovaj daručyli ŭnieści prapanovu ab papraŭkach u Kanstytucyju, kab dazvolić Pucinu zastavacca na pasadzie biaskonca.
Vyhladaje, što, kali rakieta ŭsio ž palacić, to Biełaruś atrymaje rymejk jašče adnaho atrybuta savieckaj sistemy.
Stała viadoma, čamu biełaruska nie palacieła ŭ kosmas
Ekipaž ź biełaruskaj kasmanaŭtkaj Marynaj Vasileŭskaj nie startavaŭ z kasmadroma «Bajkanur»
Jakija prahramy daručyli vykanać u kosmasie pieršaj biełaruskaj žančynie-kasmanaŭtu
Łukašenka vyznačyŭ status biełaruskich kasmanaŭtaŭ. Za dabroty treba płacić łajalnaściu
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra11
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary