Łukašenka vyznačyŭ status biełaruskich kasmanaŭtaŭ. Za dabroty treba płacić łajalnaściu
Alaksandr Łukašenka 19 sakavika padpisaŭ ukaz ab statusie biełaruskaha kasmanaŭta, paviedamiła pres-słužba palityka. Hety dakumient zamacoŭvaje pravy i abaviazki kasmanaŭta Respubliki Biełaruś, jaki maje ŭ krainie nieŭzabavie źjavicca paśla chutka zapłanavanaha palotu ŭ kosmas Maryny Vasileŭskaj.
Paviedamlajecca, što ŭkaz pryniali dla vyznačeńnia pravavoha stanovišča biełaruskich kasmanaŭtaŭ i pryraŭnavanych da ich asob, uličvajučy realizacyju pieršaha ŭ historyi suvierennaj Biełarusi prajekta pa kaśmičnym palocie.
Maryna Vasileŭskaja źbirajecca startavać na Mižnarodnuju kaśmičnuju stancyju z kasmadroma Bajkanur 21 sakavika.
U dakumiencie adznačajecca, što status kasmanaŭta prysvojvajecca hramadzianinu Respubliki Biełaruś, jaki ździejśniŭ kaśmičny palot, a taksama jahonamu dubloru. To-bok kasmanaŭtam u Biełarusi možna stać, navat nie pabyvaŭšy ŭ kosmasie.
Dla asob sa statusam biełaruskaha kasmanaŭta praduhledžvajecca šerah ilhot i prefierencyj, u tym liku zachavańnie zajmanaj pasady, miedabsłuhoŭvańnie ŭ Respublikanskim kliničnym miedycynskim centry, piensijnaje zabieśpiačeńnie, dziaržpadtrymka pry budaŭnictvie žylla.
Asobna va ŭkazie adznačajecca, što kasmanaŭt pavinien «adpaviadać svajmu vysokamu zvańniu», mieć «ćviorduju hramadzianskuju pazicyju», brać aktyŭny ŭdzieł u hramadska-palityčnym žyćci krainy, a taksama hodna pradstaŭlać Biełaruś na mižnarodnaj arenie.
U sučasnym kantekście heta vidavočna aznačaje abaviazak stajać na praŭładnych pazicyjach i aktyŭna ŭdzielničać u prapahandysckich mierapryjemstvach.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary