Brytanija pierachapiła sudna rasijskaha «cieniavoha fłotu» ŭ Ła-Manšy
Brytanskija ŭzbrojenyja siły pierachapili naftavy tankier rasijskaha «cieniavoha fłotu» ŭ Ła-Manšy ŭ noč na niadzielu, piša VVS.
U chodzie apieracyi, jakaja doŭžyłasia šeść hadzin, kamandos Karaleŭskaj marskoj piachoty i admysłova padrychtavanyja supracoŭniki pravaachoŭnych orhanaŭ z Nacyjanalnaha ahienctva pa baraćbie sa złačynnaściu pry padtrymcy VPS uzyšli na bort tankiera Smyrtos.
Apieracyja pravodziłasia pry padtrymcy samalotaŭ Marskoj avijacyjnaj hrupy, samalota Karaleŭskich VPS P-8, a taksama karabloŭ HMS Sutherland i HMS Ledbury. Naftavy tankier Smyrtos chodzić pad ściaham Kamieruna i ŭ ciapierašni čas, pavodle źviestak Marine Traffic, staić na jakary ŭ Ła-Manšy.
Apieracyja, praviedzienaja ŭ niadzielu ranicaj, ažyćciaŭlałasia ŭ supracoŭnictvie z Francyjaj, paviedamiła Ministerstva abarony. U zajavie havorycca, što sudna zatrymana i budzie znachodzicca pad nahladam kala paŭdniovaha ŭźbiarežža na čas praviadzieńnia rasśledavańnia.
Premjer-ministr Vialikabrytanii Kir Starmier zajaviŭ, što jon addaŭ rasparadžeńnie pra pierachop.
«Hetaja paśpiachovaja apieracyja nanosić čarhovy ŭdar pa Rasii i nahadvaje tym, chto padsiłkoŭvaje vajnu Pucina va Ukrainie, što my nie dazvolim im schavacca», — napisaŭ Starmier u svaim paviedamleńni na X.
Ministr abarony Den Džarvis skazaŭ: «Rasija spadziajecca na svoj «cieniavy fłot» dla finansavańnia kanfliktu va Ukrainie, i našy miery pa pierachopie nanosiać udar pa niezakonnaj vajnie Pucina».
Rasija vykarystoŭvaje «cieniavy fłot» tankieraŭ ź nieprazrystaj strukturaj ułasnaści, kab abyści mižnarodnyja sankcyi, uviedzienyja ŭ dačynieńni da jaje naftavaha ekspartu. Pavodle źviestak Ministerstva abarony, «cieniavy fłot», jaki składajecca z bolš čym 700 sudoŭ i adkazvaje za pieravozku 75% rasijskaj nafty, što padpadaje pad sankcyi, źjaŭlajecca žyćciova važnaj linijaj zabieśpiačeńnia dla Kramla. Brytanija ŭžo ŭviała sankcyi ŭ dačynieńni da bolš čym 500 sudoŭ.
Ciapier čytajuć
«Ja supracoŭnica KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku5
Kamientary