U Minsku ŭ 72‑hadovaha piensijaniera znajšli patrony, porach i vintoŭku z hłušycielem
Pažyłomu mužčynu pahražaje da 7 hadoŭ kałonii.
U 72‑hadovaha minčuka milicyjaniery znajšli patrony, porach i vintoŭku, pišuć «Minsk-Naviny».
Na antresolach u kvatery na vuł. Malinina, dzie pražyvaje pažyły minčanin, byŭ znojdzieny patron. Mužčyna paviedamiŭ, što tudy jaho, vierahodna, pakłaŭ syn, jaki zahinuŭ jašče ŭ 2005 hodzie.
Paśla ŭ pabudovie na ŭčastku ŭ Staŭbcoŭskim rajonie, uładalnikam jakoha źjaŭlajecca abvinavačany, supracoŭniki milicyi znajšli jašče kala sotni patronaŭ roznaha kalibru, prydatnych dla stralby, porach i vintoŭku z hłušycielem. Pavodle słoŭ fihuranta, usio heta naležała jaho siabram-palaŭničym i niabožčyku-susiedu.
U dačynieńni da minčanina zaviali kryminalnuju spravu. U piensijaniera nie było dazvołu na zachavańnie i vykarystańnie bajavoj i palaŭničaj zbroi.
— Abvinavačany raniej da kryminalnaj adkaznaści nie pryciahvaŭsia, — prakamientavaŭ namieśnik prakurora Leninskaha rajona Alaksandr Mazanik. — Jamu pradjaŭlena abvinavačańnie ŭ ździajśnieńni złačynstva, praduhledžanaha č. 2 art. 295 KK («niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ»), sankcyja jakoha — až da siami hadoŭ pazbaŭleńnia voli sa štrafam abo bieź jaho.
Ź jakoj nahody milicyja pryjšła z vobšukam da piensijaniera, nie paviedamlajecca.
Pamiłavanyja 15 čałaviek, siarod jakich 13 palitviaźniaŭ15
Pamiłavanyja 15 čałaviek, siarod jakich 13 palitviaźniaŭ
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary