Trenierka-błohierka abraziła naviedvalnicu ŭ trenažorcy ŭ Novaj Baravoj. Ciapier skardzicca na ckavańnie 

Palina Zahurskaja — trenierka, jakaja pracuje trenažornaj zale LifeCity. Kab raźvivać asabisty brend, jana sprabuje być i błohierkaj. Pośpiechi pakul nievialikija: mienš za 1500 padpisčykaŭ u instahramie.

Niečakana žančyna stała znakamitaj. Ale, jak kažuć, jość niuans.

Palina zdymała čarhovaje videa, kali vypadkova ŭ kadr zajšła naviedvalnica LifeCity. Jana, imavierna, nie bačyła kamieru, jakaja stajała davoli daloka ad trenierki.

Zdavałasia b — ničoha takoha. Łahična, što ŭ publičnym miescy mohuć być ludzi, jakija nie abaviazany sačyć za tym, ci nie ŭstalavana niedzie prychavanaja kamiera.

Pavialičyć

Ale Palina vyrašyła zrabić z hetaj situacyi infarmacyjnuju nahodu. Jana apublikavała na svajoj staroncy dopis z davoli abraźlivym dla naviedvalnicy trenažorki tekstam: «Čystaje nazirańnie ŭ zale: chodziać pierad kamierami vyklučna strašnyja dziaŭčaty».

Trapiŭšy pad łavinu krytyki, Palina vydaliła dopis. Ale internet pamiataje ŭsio: skrynšot pajšoŭ hulać pa sacsietkach, a abmierkavańnie trenierki praciahnułasia.

Aŭtar dopisu padzialiŭsia svaim bačańniem situacyi: «Nasamreč heta vielmi sumnaja situacyja. Daŭno trenirujusia i mahu skazać, što ŭ zale ludzi ŭ 95% vypadkaŭ vielmi dobrazyčlivyja. Jašče nichto nie admaŭlaŭsia padzialicca trenažoram abo navat časam padstrachavać. Ja suprać takich paniaćciaŭ, jak «padśniežniki». Małajcy ŭsie, chto vyrašyŭ zaniacca saboj — niachaj heta budzie fitnies, tancy, piłates ci turniki. Asudžeńnia zasłuhoŭvajuć tolki tyja, chto parušaje dyscyplinu, paradak, pavodzić siabie ahresiŭna abo abražaje inšych. Šturšok pad zad — zajmajsia doma i zdymaj siabie jak zaŭhodna».

Pavialičyć

Jon taksama vybačyŭsia pierad toj samaj dziaŭčynaj u kadry i dadaŭ, što, kali raptam jana pabačyć hetaje abmierkavańnie, niachaj viedaje: usie vystupili ŭ jaje abaronu.

Sapraŭdy, bolšaść kamientataraŭ aburyłasia tym, što niechta viadzie zdymki ŭ trenažorcy: «Maru, kab u załach zabaranili zdymać. Ja hetych «apierataraŭ» nienavidžu ŭsioj dušoj. U zału ludzi čaściej za ŭsio prychodziać va ŭraźlivym stanie: nie viedajuć trenažoraŭ, jašče nie nabyli žadanuju formu — i tut zdymki z usich bakoŭ», «Mnie zdavałasia, što trenažornaja zała stvorana dla trenirovak i padtrymańnia zdaroŭja, a nie dla trenieraŭ, jakija krasujucca pierad kamieraj. Takomu čałavieku nielha pracavać ź ludźmi, kali jon tak stavicca da patencyjnych klijentaŭ i tak pra ich vykazvajecca. Pavaha, padtrymka i prafiesijanalizm pavinny być asnovaj pracy treniera, a nie naśmieški i prynižeńnie tych, chto tolki pryjšoŭ zajmacca saboj».

Pavialičyć

Adna z kamientatarak raspaviała, što vymušanaja była admovicca ad zaniatkaŭ u LifeCity praz sproby Zahurskaj stać błohierkaj: «Ja syšła z zały mienavita praz hetuju trenierku. Nie zaŭvažyła telefon, jaki zdymaŭ, i vypadkova trapiła ŭ kadr. U adkaz jana adrazu padlacieła da mianie z pretenzijami i najezdami tolki tamu, što ja zajšła ŭ kadr».

Darečy, u svaim instahramie Zahurskaja raić pierad tym, jak iści na treniroŭku da treniera, pahladzieć jaho sacsietki. Maŭlaŭ, treba razumieć manieru kamunikacyi. I dadała: pra jaje časta kažuć, što jana złaja.

Pavialičyć

Adna z čytačak «Našaj Nivy» źviarnułasia ŭ LifeCity z pytańniem, ci ličać u trenažorcy takija pavodziny trenierki dapuščalnymi. Tam adkazali, što pra skandalnuju situacyju ŭžo viedajuć, a kiraŭnictva praviało razmovu z Zahurskaj. Śćviardžajuć, što jana ŭžo asensavała svaju vinu i vielmi vybačajecca.

Taksama ŭ LifeCity paabiacali abmierkavać z kiraŭnictvam ideju zabarony zdymkaŭ u trenažorcy.

Sama ž Palina sapraŭdy apublikavała davoli farmalny dopis: «Ja prynošu prabačeńni za svajo vykazvańnie. Ja nie mieła prava takoje vystaŭlać i niejkim čynam abražać ludziej».

Pavialičyć

Ale ciapier jana skardzicca na ckavańnie i pahražaje suicydam: «Maich vybačeńniaŭ u Threads mała! Ludziam patrebnaja rasprava! Mabyć, adzinaje, što ja mahu zrabić — heta vyskačyć u akno ci niešta z hetaha. I tady ŭsie viernucca ŭ zału (chto, akazvajecca, praź mianie syšoŭ) i ŭsim stanie dobra!».

Pavialičyć

Spačuvańniaŭ asabliva nie vidać — ludzi nie vierać u ščyraść trenierki. A samy papularny kamientar nabraŭ bolš za 700 łajkaŭ i jon taki: «Cikava: spačatku narabić ch*ni, a potym rabić ź siabie achviaru. Hienijalna».

Pavialičyć

• 1
• 1
• 6
• 24
• 1
• 0
• 3
• 0