U Minsku pradajuć stalinku ź vintažnym dafaminavym interjeram
Savieckaja mebla, bujstva farbaŭ i šmat dekoru. U Minsku pradajecca stalinka z redkim ramontam, piša Realt.
U hetaj stalincy kala mietro «Frunzienskaja» zrobleny ŭnikalny ramont. Jon spałučaje ŭ sabie elemienty savieckaj kłasiki i eklektyčnaha dekoru. Atrymaŭsia taki vintažny dafaminavy interjer. Usio tut novaje, tamu kvatera dakładna padydzie dla tych, kamu padabajecca takaja atmaśfiera.
Dom na Kalvaryjskaj, 5 pabudavany ŭ piać pavierchaŭ u 1961 hodzie. U hetaj poźniaj stalincy vystaŭlena na prodaž pryhožaja trochpakajovaja kvatera płoščaj 79,5 m². Kapramont tut prajšoŭ u 2020 hodzie.
Žyllo raźmiaščajecca na čaćviortym paviersie i adroźnivajecca vysokimi stolami. Azdableńnie ścien jašče bolš heta padkreślivaje.
Ścieny kuchni abklejeny špalerami ŭ kantrasnuju viertykalnuju pałasu, što vizualna pryŭzdymaje i biez taho vysokuju stol. Ustalavany liniejny śvietły harnitur bieź vierchnich šafak. Tut ubudavany hazavaja varačnaja panel, duchavaja šafa ŭ retra-styli i myjka z vysokim źmiašalnikam, jość i vialiki chaładzilnik. Darečy, uładalniki zachavali i akienca pamiž kuchniaj i vannaj.
Adzin z pakojaŭ uładkavany pad haścioŭniu, jon prachadny.
Interjer dosyć strakaty, ale ŭ spałučeńni z dekoram i savieckaj meblaj vyhladaje stylnym. Jarkija špalery dapaŭniaje šyrokaja čorna-biełaja pałasa źvierchu pa ŭsim pierymietry pakoja. Stol idzie z kłasičnymi lapnymi razietkami pa centry, visiać vintažnyja lustry. Na padłozie lažyć parkiet.
Pobač — žyły pakoj, dzie staić łožak ź mietaličnaj kavanaj śpinkaj, pafarbavanaj u ružovy koler. Tut ža jość vychad na adkryty bałkon.
Poŭnavartasnaja spalnia znachodzicca ŭ izalavanym pakoi na inšym baku kvatery. Jana taksama idzie z bałkonam i maje nievialikuju kładoŭku, schavanuju za štoraj.
Davoli jarkim atrymaŭsia i kalidor.
Vanna i sanvuzieł vyklikajuć mocnaje pačućcio nastalhii pa savieckich kvaterach.
Kala doma znachodzicca stancyja mietro «Frunzienskaja». Pieššu možna dajści da Niamihi, parku Pieramohi i handlovych centraŭ. Pablizu znachodziacca vułački z kaviarniami i restaranami.
Prosiać za kvateru 605 tysiač rubloŭ, a cana mietra składaje 7 610 rubloŭ (daviedačna: heta 218 tysiač dołaraŭ i 2 746 dołaraŭ adpaviedna).
Kamientary