«Supierniadziela Trampa»: prezident ZŠA adznačyć jubilej bajami UFC pierad Biełym domam
Zaŭtra Donaldu Trampu spoŭnicca 80 hadoŭ, i padrychtoŭka da śviatkavańnia idzie poŭnym chodam.
Z nahody jubileju prezident ZŠA rasparadziŭsia ŭstalavać prama pierad Biełym domam časovuju arenu pad nazvaj «Kipciur», dzie ŭ siami pajadynkach syducca bajcy źmiešanych adzinaborstvaŭ, piša Bild.
Čakajecca, što niepasredna na arenie za bajami buduć nazirać bolš za 4000 hledačoŭ, a jašče dziasiatki tysiač ubačać ich na hihanckich ekranach u susiednim parku.
U hałoŭnym bai viečara čempijon Ilija Tapuryja sustreniecca z ulubioncam publiki Džaścinam Hiejdžy. Taksama zajaŭleny jašče niekalki zorak-bajcoŭ. Na arhanizacyju i padrychtoŭku maštabnaha mierapryjemstva pajšło bolš za 60 młn dalaraŭ.
Choć Bieły dom padkreślivaje, što vydatki biare na siabie UFC, šerahu fiederalnych viedamstvaŭ daviałosia akazać značnuju dapamohu ŭ płanavańni i zabieśpiačeńni biaśpieki.
Jašče adnym padarunkam Trampu moža stać zaklučeńnie mirnaha pahadnieńnia ź Iranam.
Pavodle infarmacyi Pakistana, jaki vystupaje pasiarednikam, abodva baki ŭzhadnili asnoŭnyja pałažeńni ramkavaha pahadnieńnia. Płan praduhledžvaje adkryćcio Armuzskaha praliva i pryniaćcie mier pa skaračeńni iranskaj jadziernaj prahramy. Uzamien u budučyni mohuć być asłableny sankcyi i razmarožany aktyvy Irana.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali7
Kamientary