Biznesmien-rytualščyk pahareŭ na tym, što pracaŭładkoŭvaŭ tolki žančyn
U Bresckaj vobłaści indyvidualny pradprymalnik, jaki zajmaŭsia rytualnymi pasłuhami, trapiŭ pad sud paśla pravierki padatkovych orhanaŭ. Pryčynaj uvahi da jaho biznesu stała niezvyčajnaja situacyja: u aficyjnym štacie prysutničali tolki žančyny, choć praca patrabavała vykanańnia ciažkich fizičnych rabot, paviedamlaje Ministerstva padatkaŭ i zboraŭ.
Jak vyśvietliłasia padčas pravierki, pradprymalnik vykonvaŭ rytualnyja pasłuhi — arhanizacyju pachavańniaŭ, prodaž trunaŭ, viankoŭ, śviečak i kryžoŭ. Pry hetym častka pracy, źviazanaja z kapańniem mahił, pieranosam trunaŭ i supravadžeńniem pamierłych, nasiła fizična ciažki charaktar. U padatkovych orhanach heta vyklikała padazreńni, bo było mała vierahodna, što takuju pracu vykonvajuć vyklučna žančyny.
Pravierka, jakuju praviali orhany Ministerstva padatkaŭ i zboraŭ Respubliki Biełaruś Bresckaj vobłaści, pakazała, što nasamreč pradprymalnik załučaŭ da pracy jak minimum dvuch mužčyn, ale aficyjna ich nie afarmlaŭ. Im vypłačvali hrošy «ŭ kanviertach» — biez uliku ŭ buchhałtarskich dakumientach, biez utrymańnia padatkaŭ i biez vypłat u fond sacyjalnaj abarony.
Sud pryznaŭ takija dziejańni parušeńniem. Pradprymalniku pryznačyli štraf sumaj 50 bazavych adzinak (prykładna 2250 biełaruskich rubloŭ na toj momant), a taksama kanfiskacyju častki dachodu, atrymanaha ad niezakonnaj dziejnaści — kala 5%, što skłała amal 9763 rubli.
Akramia štrafu, jamu taksama prapanavali dapłacić padatki za rabotnikaŭ, jakich jon nie afarmlaŭ aficyjna, uklučajučy padachodny padatak i abaviazkovyja ŭznosy. U ahulnym liku niavypłačanyja padatkovyja abaviazki pieravysili 16,5 tysiačy rubloŭ.
Minčuka sudzili za pieraprodaž kvitkoŭ na chakiej
KDK raskazaŭ pra schiemu niezakonnaha vyvadu hrošaj u biełaruskim šou-biznesie
Padatkovaja naviedałasia da viadomaha minskaha błohiera-haražnika. Kažuć, što toj pracavaŭ nielehalna
Ułady zasakrecili finansavuju spravazdačnaść miedyjachołdynha niaviestki Łukašenki
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Kolki spraŭ jany fabrykujuć - pa biezzakońniu heta adzin ź lidaraŭ, a moža i lidar, siłavych arhanizacyj.