U Pinsku pradajuć hastrabar na ciepłachodzie. Kolki prosiać?
U Pinsku vystaŭleny na prodaž niezvyčajny hatovy biźnies — hastrabar «Majak», jaki pracuje ŭnutry znakamitaha śpisanaha ciepłachoda «Rakieta», piša BGmedia.
Ustanova znachodzicca ŭ centry horada, na nabiarežnaj Piny, nasuprać hatela «Prypiać». Dziakujučy raźmiaščeńniu hastrabar karystajecca papularnaściu ŭ žycharoŭ i turystaŭ.
Jak adznačajecca ŭ abjavie, ciepłachod dobra ŭciepleny, tamu ŭstanova pracuje kruhły hod. Heta adziny hastrabar takoha farmatu ŭ Pinsku.
Płošča samoha ciepłachoda składaje 96 kvadratnych mietraŭ. Pobač abstalavana letniaja terasa płoščaj jašče 53 kvadratnyja mietry.
Uładalniki zajaŭlajuć, abjekt całkam hatovy da pracy: unutry jość mebla, posud, abstalavańnie, a taksama sistema vientylacyi.
Novamu haspadaru abiacajuć pieradać kantakty pastaŭščykoŭ, dziejnyja dahavory i staronku ŭ Instagram z užo sfarmavanaj aŭdytoryjaj.
Pry žadańni biznes možna pieranieści ŭ inšaje miesca, kupiŭšy jaho asobna ad sudna.
Adnak ciapierašniaje raźmiaščeńnie maje svaje pieravahi: uładalniku nie treba płacić ziamielny padatak i padatak na nieruchomaść.
Za hatovy biznes uładalniki prosiać 87 tysiač dalaraŭ.
Heta supastaŭna z koštami na adnapakajovyja kvatery ŭ Minsku. Pavodle źviestak rynku nieruchomaści, u zaležnaści ad rajona, stanu žylla i hoda pabudovy doma, «adnuški» ŭ stalicy siońnia časta pradajucca ŭ dyjapazonie ad 80 da 100 tysiač dalaraŭ.
Ciapier čytajuć
Zialenski nazvaŭ, jakija retranślatary na miažy i biełaruskija pradpryjemstvy chvalujuć Ukrainu44
Kamientary