Mišel Abama daviała muža da śloz na adkryćci jaho prezidenckaha centra
Były prezident ZŠA (2009-2017) Barak Abama adkryŭ u Čykaha Obama Presidential Center.
Na cyrymoniju pryjechali palityki i znakamitaści, uklučajučy Anhiełu Mierkiel, Biła Klintana, Džo Bajdena i Džordža Buša-małodšaha. Ale hałoŭnym momantam viečara stała pramova Mišel Abamy, paśla jakoj jaje muž ź ciažkaściu strymlivaŭ ślozy, piša Bild.
«Ty šmat hadoŭ tamu skazaŭ mnie, što nie možaš abiacać mnie ŭvieś śviet, ale možaš abiacać cikavaje žyćcio. I, viadoma, ty pieraŭzyšoŭ samoha siabie i zmoh dać mnie i toje, i druhoje. Dla mianie było honaram być pobač z taboj. Ty zrabiŭ mianie lepšaj i pakazaŭ usim nam prykład, da jakoha treba imknucca», — skazała Mišel Abama.
U adkaz 44‑y prezident ZŠA pačaŭ vycirać ślozy.
Obama Presidential Center budavali piać hadoŭ. Na terytoryi kampusa płoščaj 19 hiektaraŭ u histaryčnym parku Džeksan raźmiaścili muziej pra prezidenctva Abamy, kopiju Avalnaha kabinieta, biblijateku, sad u honar žančyn-lidarak Ilinojsa, voziera ź piešachodnaj darožkaj i baskietbolnuju placoŭku.
Prajekt, jaki, pavodle źviestak amierykanskich ŚMI, kaštavaŭ kala 850 miljonaŭ dalaraŭ, finansavaŭsia ŭ asnoŭnym praz pryvatny fond Obama Foundation.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary
Jeśli pomnitie, v tie vriemiena vsie podjezdy v Rośsii oboscany isklučitielno Obamoj.