KDK raskazaŭ pra schiemu niezakonnaha vyvadu hrošaj u biełaruskim šou-biznesie
Pradstaŭniki šou-biznesu vykarystoŭvali schiemu praz afilijavanuju jurydyčnuju asobu ŭ Rasii. Pra heta paviedamiŭ staršynia KDK Vasil Hierasimaŭ, piša Sputnik. Imavierna, hutarka idzie pra zatrymańnie dyrektara Pałaca Respubliki Maksima Prychadoŭskaha, pra što «Naša Niva» raniej raspaviadała.
Sutnaść schiemy ŭ tym, što ad imia rasijskaj kampanii ŭ Biełarusi vykonvalisia pasłuhi vystupu vykanaŭcaŭ i artystaŭ na kancertach u dziaržaŭnych ustanovach kultury.
Pavodle źviestak KDK, u 2022—2024 hadach arhanizatary vyvieli praz hety kanał za miažu bolš za 16 młn biełaruskich rubloŭ i schavali prybytak na 2,8 młn rubloŭ. Nazva firmy i imiony jaje fihurantaŭ nie nazyvajucca.
Imavierna, sprava tyčycca zatrymańnia dyrektara Pałaca Respubliki i deputata Minharsavieta Maksima Prychadoŭskaha, a taksama kiraŭnikoŭ pryvatnych ivent-kampanij, pra što «Naša Niva» raniej raspaviadała. Były dyrektar Pałaca Respubliki ŭžo na svabodzie i navat z novaj pasadaj.
Hierasimaŭ ahučyŭ i inšyja vyniki pracy kantraloraŭ. Tak, pavodle jaho słoŭ, KDK vykryŭ hrupu, jakaja ŭvoziła ŭ krainu miedycynskija tavary ad imia zamiežnaj kampanii. Suma niavypłačanaha ŭ biudžet padatku na prybytak skłała 4,5 młn biełaruskich rubloŭ.
Usiaho za minuły hod było vyjaŭlena 195 złačynstvaŭ, źviazanych z uchileńniem ad płaty padatkaŭ.
Taksama ŭ 2025 hodzie KDK zafiksavali bolš za 120 faktaŭ vypłaty zarobkaŭ u kanviertach. Vypadki vypłaty šeraha dachodu byli ŭ dačynieńni da bolš jak 11 tysiač rabotnikaŭ kamiercyjnych arhanizacyj.
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary