Zatrymali kiraŭnikoŭ ivent-kampanij. Adzin ź ich dapamahaŭ ładzić kancerty ŭ padtrymku Łukašenki
Jak stała viadoma «Našaj Nivie», dyrektar Pałaca Respubliki Maksim Prychadoŭski — nie adziny zatrymany ź liku arhanizataraŭ kancertaŭ. Pa infarmacyi čytačoŭ, siłaviki pryjšli i pa pryvatnikaŭ: dyrektara kampanii techničnaha abstalavańnia dla mierapryjemstvaŭ Blackout Studio Illu Pijatroŭskaha i Alaksandra Manyšava, arhanizatara kancertaŭ, jaki maje dačynieńnie da ahienctvaŭ «Atam Intertejnment» i «Anbrejkbł» i absłuhoŭvaŭ prałukašenkaŭskija mierapryjemstvy.
«Nakolki mnie viadoma, kamuści va ŭładzie nie spadabałasia, što hetyja kampanii zanadta manapalizavali rynak, absłuhoŭvali bolšaść mierapryjemstvaŭ.
Prapanavali dzialicca. Mahčyma, što biznes adcisnuć. Maŭlaŭ, čamu heta za darahoje abstalavańnie dziaržaŭnyja placoŭki musiać płacić tak šmat levym ludziam. Ale ŭ vypadku z Manyšavym, dapuskaju, što [siarod abvinavačvańniaŭ] moža być i karupcyja», — kamientuje krynica «Našaj Nivy» ź ivent-śfiery.
Kampanija Blackout Studio była zasnavanaja ŭ 2009 hodzie. Joj kiruje vypusknik BDU Illa Pijatroŭski. U svaim arsienale jany majuć usio dla praviadzieńnia mierapryjemstvaŭ navat na samych bujnych placoŭkach — ad śvietłavoha i hukavoha abstalavańnia da kinietyki i padjomnych miechanizmaŭ. Kampanija technična zabiaśpiečvała vystupy takich zorak jak Śviatłana Łabada, Bi-2, Lindemann i inšych.
Jany ž, naprykład, stvarali zdymačny horad ź infrastrukturaj dla šou X-Factor, pracavali na premii MuzTB. Za čas isnavańnia kampanija papracavała nie tolki na biełaruskim rynku, ale i ŭ Rasii, Kazachstanie, Ukrainie, AAE, Niderłandach.
Telefon dyrektara Blackout Studio Illi Pijatroŭskaha ciapier niedastupny. U mužčyny dźvie niepaŭnaletnija dački.
Alaksandr Manyšaŭ — mamant ivent-śfiery, jon zajmajecca joj z kanca nulavych. Jon mieŭ dačynieńnie da takich kampanij jak «Drakon i Fieniks», «Karparacyja/Industryja zabavaŭ», «Anbrejkbł». Ale bolš za ŭsio na słychu było kancertnaje ahienctva «Atam Intertejnment» (Manyšaŭ tam na pasadzie techdyrektara). Jano ŭ roznyja hady pryvoziła ŭ Biełaruś Moby, Linkin Park, Lana Del Rey, 30 Seconds to Mars, Ziemfiru, ale adnačasova i ładziła kancerty ŭ padtrymku Łukašenki. Adzin ź ich 8 žniŭnia 2020 hoda tak i nie zdaryŭsia praz admovu zaprošanych artystaŭ pryjazdžać u Minsk paśla taho, jak ich pra heta masava paprasili biełarusy.
Manyšaŭ adčuvaŭ siabie dosyć kamfortna ŭ Biełarusi — na svoj dzień narodzinaŭ moh dazvolić sabie zaprasić vystupić hurt «Leninhrad». Byvaŭ hościem na viečarynach, jakija ładziŭ Viktar Łukašenka. U 2017 hodzie Manyšaŭ atrymlivaŭ premiju VKLYBE.TV AWARDS jak «akuła šou-biznesu».
Što cikava, jašče ŭ 2022 hodzie Manyšaŭ sa svaimi kampanijami i asobna jak indyvidualny pradprymalnik trapiŭ u rejestr «pravieranych» arhanizataraŭ kulturna-vidoviščnych imprez, jakim Minkult dazvoliŭ vieści aficyjnuju dziejnaść. Ale na siońnia nivodnaj zhadki pra jaho tam niama. Ahułam u śpisie zamiest raniejšaj infarmacyi pra arhanizataraŭ źjaviłasia niamała pustych paloŭ, jakija ciapier apisvaje tolki adno słova «vyklučany».
Mabilny numar Alaksandra Manyšava niedasiažny, a ŭ miesiendžary jon byŭ aktyŭnym apošni raz 21 lipienia.
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić27
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna66
Kamientary