Zapracavaŭ sajt adnoŭlenaj Biełaruskaj internet-biblijateki Kamunikat
«Na siońnia Kamunikat udałosia adnavić praktyčna da taho stanu, u jakim jon byŭ da ataki», — pra heta paviedamiŭ Jarasłaŭ Ivaniuk na tvorčaj sustrečy z čytačami ŭ Centry Biełaruskaj Salidarnaści ŭ Varšavie, piša Reform.news.
Zasnavalnik Biełaruskaj internet-biblijateki i vydaviec pryznaŭsia, što admysłova nie rabiŭ zahadzia publičnaj zajavy, kab nie davać mahčymaść chakieram sapsavać dobruju navinu.
«Ad siońnia biblijateka dastupnaja, žyvie i pracuje», — zaznačyŭ jon.
Nazaŭsiody «zhubilisia» adzinkavyja fajły, pieravažna heta ilustracyi da archiŭnych navin.
Jak padkreślivajecca na sajcie biblijateki, paśla ataki kamanda ŭzmacniła miery biaśpieki nakolki heta mahčyma — «pierahledzieli padychody da reziervovaha kapiravańnia, uzmacnili abaronu sajta, pierabudavali častku pracesaŭ tak, kab prajekt byŭ bolš ustojlivy da padobnych atak u budučyni».
U płanach prajekta — novy sajt na sučasnym ruchaviku.
«Najbolš važkaja zadača — «padružyć» ź im archivy, što majem. Ale my heta zrobim», — adznačajuć stvaralniki.
7 traŭnia 2026 siervier Kamunikat.org byŭ mocna atakavany, u vyniku čaho byli vydaleny ŭsie fajły, jakija źbiralisia na praciahu 25 hadoŭ. Ciapier biblijateku ŭdałosia adnavić.
Naprykancy 2025 hoda režym pryznaŭ źmiest sajta biblijateki «ekstremisckimi materyjałami». 3 sakavika 2026 hoda biełaruski KDB uklučyŭ Kamunikat u skład nieisnujučaj «kaalicyi drukavanych vydaviectvaŭ» i abviaściŭ «ekstremisckim farmavańniem».
-
Ajcišnikaŭ, jakija absłuhoŭvali «Biełsat», abvinavacili ŭ vyvadzie 1,8 młn dalaraŭ praź fiktyŭnyja pasłuhi
-
Viktar Łukašenka zaśviaciŭ na pasiadžeńni NAK svoj hadzińnik — ciažki luks
-
Viačorka: Cichanoŭskaja z Koŭłam abmiarkoŭvała varyjant z amnistyjaj, pry jakoj nie adkryvajucca novyja spravy i spyniajucca minułyja
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks20
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1717
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki17
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary