Tramp paabiacaŭ adpravić kiraŭnikoŭ usich narkakartelaŭ u hłybini piekła.
Vajskoŭcy ZŠA ŭ kaardynacyi ź vieniesuelskimi siłami zabili lidara najbujniejšaj bandy Vieniesueły «Tren-de-Arahua» Nińjo Hierera pa zahadzie Donalda Trampa. Pra heta prezident napisaŭ u Truth Social.
«Pa maim zahadzie Paŭdniovaje kamandavańnie Uzbrojenych sił ZŠA naniesła imklivy i śmiarotny kinietyčny ŭdar, paśpiachova likvidavaŭšy Nińjo Hierera — sumna viadomaha kiraŭnika «Tren-de-Arahua», adnoj z samych kryvavych terarystyčnych arhanizacyj na płaniecie», — napisaŭ Tramp.
Jon dadaŭ, što ZŠA adpomścili za zahinułych, ich siemji i blizkich. Pavodle słoŭ prezidenta, jašče ŭ pačatku pracy svajoj administracyi jon uklučyŭ bandy ŭ śpis zamiežnych terarystyčnych arhanizacyj, vysłaŭ «tysiačy niebiaśpiečnych złačyncaŭ» i abviaściŭ «vajnu kartelam».
Tramp padkreśliŭ, što ciapier u «Tren-de-Arahua» nie zastałosia schovišča «ni ŭ Vieniesuele, ni dzie-niebudź jašče», i zajaviŭ: «My znojdziem hetych žorstkich zabojcaŭ i narkabaronaŭ u luby čas i ŭ lubym miescy i adpravim ich u hłybini piekła, dzie im samaje miesca».
Kiraŭnik Pientahona Pit Chiehsiet paćvierdziŭ likvidacyju kiraŭnika «Tren-de-Arahua»: «Zasnavalnik i kiraŭnik «Tren-de-Arahua» Ektar Rustenford Hierera Fłores, viadomy jak «Nińjo Hierera», byŭ likvidavany ŭ vyniku ŭdaru».
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1111
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj11
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary