Bolš za 4 tys. supracoŭnikaŭ SpaceX mohuć stać miljanierami, a kala 400 čałaviek atrymajuć bolš za $100 młn.
Rekordnaje IPO (pieršasnaje raźmiaščeńnie akcyj) kampanii pryciahnuła miljardy dalaraŭ, zrabiŭšy Maska pieršym u historyi tryljanieram. Bolš za 4 tys. supracoŭnikaŭ SpaceX mohuć stać miljanierami, a kala 400 čałaviek atrymajuć bolš za $100 młn, paviedamiła The New York Times (NYT) sa spasyłkaj na danyja inviestycyjnaj płatformy Hill.com.
«U bolšaści vypadkaŭ IPO zvyčajna vy ŭbačycie, što zasnavalniki stanoviacca miljarderami. Niezvyčajna, što na hetym parozie [bahaćcia bolš za $100 młn] 400 čałaviek. Heta śviedčyć pra vielizarnaje bahaćcie, jakoje tut stvarajecca», — skazaŭ zasnavalnik i vykanaŭčy dyrektar Hill.com Endru Bensan.
Jak piša NYT, siarod byłych supracoŭnikaŭ SpaceX adnym z tych, chto vyjhraŭ ad IPO, staŭ 42‑hadovy Hevin Pieci, jaki pryjšoŭ u kampaniju ŭ 2012 hodzie inžynieram z zarobkam $80 tys. na hod i niekalkimi tysiačami akcyj pa $13,80 za štuku.
Hadami jon atrymlivaŭ bonusy akcyjami i zachavaŭ ich asnoŭnuju častku — ciapier u jaho bolš za 50 tys. akcyj, što robić jaho miljanieram.
«Heta raźmiaščeńnie akcyj — IPO Coca-Cola abo Google majho času — padzieja, jakaja źmianiaje žyćcio i prynosić bahaćcie, padobnaje da vyjhryšu ŭ łatareju. Mnie tak pašancavała, što ja ŭ heta ŭklučyŭsia», — raskazaŭ Pieci.
Pry hetym, adznačaje hazieta, niekatoryja supracoŭniki nie vieryli, što SpaceX kali-niebudź stanie publičnaj kampanijaj i rana pradavali akcyi. Siarod supracoŭnikaŭ navat chadzili čutki, što chtości ź pieršych rabotnikaŭ kampanii abmianiaŭ ich na padarunkavyja karty restaranaŭ nakštałt Chili's i ciapier mocna škadujuć.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy38
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary