«Супернядзеля Трампа»: прэзідэнт ЗША адзначыць юбілей баямі UFC перад Белым домам
Заўтра Дональду Трампу споўніцца 80 гадоў, і падрыхтоўка да святкавання ідзе поўным ходам.
З нагоды юбілею прэзідэнт ЗША распарадзіўся ўсталяваць прама перад Белым домам часовую арэну пад назвай «Кіпцюр», дзе ў сямі паядынках сыдуцца байцы змешаных адзінаборстваў, піша Bild.
Чакаецца, што непасрэдна на арэне за баямі будуць назіраць больш за 4000 гледачоў, а яшчэ дзясяткі тысяч убачаць іх на гіганцкіх экранах у суседнім парку.
У галоўным баі вечара чэмпіён Ілія Тапурыя сустрэнецца з улюбёнцам публікі Джасцінам Гейджы. Таксама заяўлены яшчэ некалькі зорак-байцоў. На арганізацыю і падрыхтоўку маштабнага мерапрыемства пайшло больш за 60 млн даляраў.
Хоць Белы дом падкрэслівае, што выдаткі бярэ на сябе UFC, шэрагу федэральных ведамстваў давялося аказаць значную дапамогу ў планаванні і забеспячэнні бяспекі.
Яшчэ адным падарункам Трампу можа стаць заключэнне мірнага пагаднення з Іранам.
Паводле інфармацыі Пакістана, які выступае пасярэднікам, абодва бакі ўзгаднілі асноўныя палажэнні рамкавага пагаднення. План прадугледжвае адкрыццё Армузскага праліва і прыняцце мер па скарачэнні іранскай ядзернай праграмы. Узамен у будучыні могуць быць аслаблены санкцыі і размарожаны актывы Ірана.
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку2
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары