Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień
Jon byŭ pieršym namieśnikam u Bresckaj abłasnoj i Minskaj abłasnoj milicyi, a ciapier trapiŭ u Vałožyn.
U Vałožynskim rajonie novy načalnik milicyi.
47‑hadovy pałkoŭnik Siarhiej Alaškievič, jaki zaniaŭ pasadu tolki ŭ žniŭni 2025 hoda, uznačaliŭ Minskuju rajonnuju milicyju — možna skazać, pajšoŭ na pavyšeńnie.
A jaho miesca niečakana zaniaŭ pałkoŭnik Alaksandr Kisiel. Dla jaho pasada ŭ Vałožynie — adnaznačnaje panižeńnie, bo da apošniaha momantu Kisiel byŭ pieršym namieśnikam načalnika UUS Minabłvykankama.
Kisialu 42 hady, jon ź Niaśvižskaha rajona. Skončyŭ Akademiju MUS, paśla čaho viarnuŭsia na radzimu ŭčastkovym. Słužyŭ u Niaśvižy, u Minskaj abłasnoj milicyi, byŭ pieršym namieśnikam načalnika Maładziečanskaha RUUS.
U 2019‑m pieršym namieśnikam UUS Bresckaha abłvykankama — načalnikam milicyi hramadskaj biaśpieki. Tam jon i prajaviŭ siabie padčas žorstkaha razhonu pratestaŭ.
«Na kaleniach stajać na**j. Chto na kaleniach, chto na łokciach, bł*dź. Sa ŭčarašniaha viečara, bł*dź, tak i stajać na**j. Tam sabaki, bł*dź, hetyja, bł*dź, akružyli na**j, i chto dziorhajecca, bł*dź, tam pi***iec adrazu. Čym bolš, bł*dź, adp****iŭ, u balnicu źviernucca, bł*dź, tym lepš, bł*dź… Tamu, bł*dź, łupcavali ich tam, bł*dź, usich, jak katoŭ, bł*dź», — chvaliŭsia Kisiel pierad minskim kaleham.
U 2024‑m Kisiala zabrali na anałahičnuju pasadu ŭ Minski abłvykankam, a ciapier jon pakaciŭsia ŭniz.
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary