12‑hadovuju ispanskuju dziaŭčynku zhvałcili piać adnakłaśnikaŭ na dni naradžeńnia. Im za heta ničoha nie budzie
Adnakłaśniki, abvinavačanyja ŭ hrupavym zhvałtavańni, byli adchileny ad zaniatkaŭ tolki na tydzień, bo jany zanadta małyja, kab nieści kryminalnuju adkaznaść.
Jak piša Diario de Burgos, pra vypadak, jaki adbyŭsia ŭ siaredzinie maja, u palicyju Burhasa paviedamiła siamja dziaŭčynki. Paciarpiełaja śćviardžaje, što stała achviaraj hvałtu z boku svaich adnakłaśnikaŭ padčas śviatkavańnia dnia naradžeńnia, jakoje prachodziła ŭ hramadskim miescy niepadalok ad škoły.
Jak paviedamlajecca, na dziaŭčynku napali piać ci šeść chłopčykaŭ va ŭzroście 11—12 hadoŭ. Paśla taho, jak pra zdareńnie stała viadoma, mierkavanych udzielnikaŭ adchilili ad zaniatkaŭ na piać dzion.
Paźniej im dazvolili viarnucca ŭ škołu, adnak, pavodle źviestak vydańnia, ich časova vyvieli sa zvyčajnaha składu kłasa i arhanizavali navučańnie ŭ asobnaj hrupie razam ź niekalkimi inšymi vučniami. U škole heta patłumačyli žadańniem nie dapuścić, kab dzieci stali abjektam ckavańnia abo hramadskaha asudžeńnia z boku adnahodkaŭ paśla taho, što adbyłosia.
Paciarpiełaja dziaŭčynka taksama viarnułasia da navučańnia, choć, pavodle źviestak vydańnia, dahetul adčuvaje nastupstvy pieražytaha jak u fizičnym, tak i ŭ emacyjnym płanie. Pra vypadak viedaje pravincyjnaje ŭpraŭleńnie adukacyi, jak i ŭsia školnaja supolnaść navučalnaj ustanovy, dzie vučacca mierkavanyja ŭdzielniki napadu.
Pakolki ŭsim mierkavanym udzielnikam zdareńnia mienš za 14 hadoŭ, jany nie padlahajuć kryminalnaj adkaznaści pavodle ispanskaha zakanadaŭstva. Paśla atrymańnia zajavy palicyja ŭstanaviła ich asoby i pieradała materyjały ŭ prakuraturu pa spravach niepaŭnaletnich. U dalejšym spravu pavinny nakiravać u śpiecyjalnuju słužbu ŭrada Kastylii i Leona, jakaja zajmajecca vychavaŭčaj i sacyjalnaj pracaj ź dziećmi ŭ padobnych vypadkach. Na momant publikacyi hetaha jašče nie adbyłosia.
Heta aznačaje, što dziaciej nie buduć sudzić u kryminalnym paradku i jany nie atrymajuć sudzimaści niezaležna ad ciažkaści abvinavačańniaŭ. Zamiest suda i kryminalnaha pakarańnia ŭ padobnych vypadkach u Ispanii vykarystoŭvajucca vychavaŭčyja i sacyjalnyja miery: da pracy padklučajucca sacyjalnyja słužby i śpiecyjalisty, a hałoŭnaja meta zaklučajecca nie ŭ pakarańni, a ŭ karekcyi pavodzin i praduchileńni padobnych vypadkaŭ u budučyni.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik31
Kamientary
Biełaha chłopca ciapier na dziaŭčynu nie zaciahnieš, choć ty miedam jaje namazvaj.
Kala miesiaca tamu na NN prachodziła navina akurat pra ispanskuju dziaŭčynu, achviaru takoha sama zhvałtavańnia, jakaja nie pieražyła nastupstvaŭ, ale zdoleła vyprasić u samaha humannaha ŭ śviecie ispanskaha ŭradu prava na eŭtanaziju.
choć by sahnali finansavuju karu z baćkoŭ hetych ispanskich mačo, pa pary miljonaŭ, kab jany jašče 2 pakaleńni z žabractva nie vykaraskalisia. Ale ž nie. Skažuć "chopić z nas adnoj achviary, navošta jašče i biednych chłopčykaŭ prymušać pakutvać, jany taksama traŭmu pieražyli". Karaciej, chaj siadajuć na fłatyliju Chumud i płyvuć u Hazu.